കാർ നിയന്ത്രണം വിട്ട് ഡിവൈഡറിൽ ഇടിച്ച് കയറി; നടൻ റിയാസ് പത്താന് പരുക്ക്
കൊച്ചി ∙ നടൻ റിയാസ് പത്താന് കാറപകടത്തിൽ പരിക്കേറ്റു. തമിഴ്നാട്ടിലെ തേനിയ്ക്ക് സമീപം കഴിഞ്ഞ ദിവസം രാവിലെ എട്ട് മണിയോടെയായിരുന്നു അപകടം.
റിയാസ് സഞ്ചരിച്ച കാർ നിയന്ത്രണം വിട്ട് ഡിവൈഡറിൽ ഇടിച്ച് കയറുകയായിരുന്നു. റിയാസ് ഇരുന്ന ഭാഗത്തേക്കാണ് കൂടുതൽ ആഘാതമുണ്ടായത്. മകൻ അജ്മൽ ആയിരുന്നു വാഹനം ഓടിച്ചിരുന്നത്.
പരിക്കേറ്റ റിയാസിനെ ആദ്യം തേനി മെഡിക്കൽ കോളജിൽ പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി വൈക്കം ഇൻഡോ അമേരിക്കൻ ആശുപത്രിയിലേക്ക് മാറ്റി. ആലപ്പുഴയിലെ വീട്ടിൽ നിന്ന് പുലർച്ചെ നാല് മണിയോടെയാണ് ഇരുവരും യാത്ര തിരിച്ചത്.
‘ഫ്ലാറ്റ് നമ്പർ 4 ബി’യിലൂടെ മലയാള സിനിമയിൽ അരങ്ങേറ്റം കുറിച്ച റിയാസ്, ‘കായംകുളം കൊച്ചുണ്ണി’, ‘ക്ലിന്റ്’, ‘റാണി’ തുടങ്ങിയ ചിത്രങ്ങളിലും കന്നഡ സിനിമയായ ‘ഗഡിയാറ’യിലും ശ്രദ്ധേയ വേഷങ്ങൾ കൈകാര്യം ചെയ്തിട്ടുണ്ട്. കഴിഞ്ഞ ആഴ്ച മനോരമ മാക്സിൽ റിലീസ് ചെയ്ത ‘രണ്ടാം മുഖം’ എന്ന ചിത്രത്തിലും അദ്ദേഹം പ്രധാന കഥാപാത്രത്തെ അവതരിപ്പിച്ചിരുന്നു.
രണ്ട് സിനിമകളുടെ തിരക്കഥ രചനയിൽ തിരക്കിലായിരിക്കെയാണ് അപകടം സംഭവിച്ചത്. റിയാസ് ഉടൻ ആശുപത്രിവിടുമെന്നാണ് ആശുപത്രി അധികൃതർ അറിയിച്ചത്. മകൻ അജ്മൽ അപകടത്തിൽ നിന്ന് പരിക്കുകളില്ലാതെ രക്ഷപ്പെട്ടു.
English Summary
Actor Riyas Pathan was injured in a car accident near Theni, Tamil Nadu, around 8 a.m. The car, driven by his son Ajmal, reportedly hit a divider, with the impact affecting the side where Riyas was seated. He was first admitted to Theni Medical College and later shifted to Indo-American Hospital in Vaikom for specialized treatment. Ajmal escaped without injuries. Riyas, known for films like Flat No. 4B, Kayamkulam Kochunni, Clint, and Rani, was recently seen in Randam Mukham. He was reportedly working on two screenplays at the time of the accident.
actor-riyas-pathan-injured-car-accident-theni
Riyas Pathan, Car Accident, Malayalam Actor, Theni Accident, Vaikom Hospital, Cinema News, Kerala Film Industry
