കോഴിക്കോട്: കാൽനട യാത്രക്കാരനായ അധ്യാപകൻ ബസ്സിടിച്ച് മരിച്ചു. കോഴിക്കോട് കൊയിലാണ്ടിയിലാണ് അപകടമുണ്ടായത്. കൊയിലാണ്ടി പന്തലായനി ആരാമത്തിൽ (കാനാച്ചേരി) റിട്ട. അധ്യാപകൻ അശോകൻ (76) ആണ് മരിച്ചത്.
ഉച്ചക്ക് ഒരുമണിയോടെ കൊയിലാണ്ടി മാർക്കറ്റിന് സമീപത്തു വെച്ചാണ് അപകടമുണ്ടായത്. റോഡ് ക്രോസ് ചെയ്യുന്നതിനിടെ കോഴിക്കോട് ഭാഗത്തേക്ക് പോകുന്ന സ്വകാര്യ ബസ് ഇടിക്കുകയായിരുന്നു. ഉടൻതന്നെ കൊയിലാണ്ടി താലൂക്കാശുപത്രിയിലും തുടർന്ന് കോഴിക്കോട് മെഡിക്കൽ കോളജിലും എത്തിച്ചെങ്കിലും ജീവൻ രക്ഷിക്കാനായില്ല.
അരിക്കുളം യു.പി സ്കൂൾ അധ്യാപകനായിരുന്നു അശോകൻ. മൃതദേഹം മോർച്ചറിയിലേക്ക് മാറ്റി. ഭാര്യ രാധ (റിട്ട. അധ്യാപിക വീമംഗലം സ്കൂൾ). മക്കൾ: രസിത, രോഷ്നി. മരുമകൻ: ജിതേഷ് (കോമത്തുകര).
