പുഷ്പ 2 റിലീസിന്റെ തിരക്കിൽ ഉണ്ടായ മരണവുമായി ബന്ധപ്പെട്ട് മൂന്ന് പേരെ പൊലീസ് അറസ്റ്റ് ചെയ്തു. സന്ധ്യ തിയറ്റർ പങ്കാളി എം. സന്ധീപ്, മാനേജർ എം. നാഗരാജു, ജി. വിജയ് ചന്ദർ എന്നിവർ ആണ് അറസ്റ്റിലായത്. Accident during Pushpa 2 release; Three arrested
സംഭവത്തിൽ മനഃപൂർവമല്ലാത്ത നരഹത്യക്ക് നടൻ അല്ലു അർജുനിനെതിരെ കേസെടുത്തിട്ടുണ്ട്. ഭാരതീയ ന്യായസംഹിതയിലെ കരുതിക്കൂട്ടി ദേഹോപദ്രവമേൽപ്പിച്ചെന്ന വകുപ്പും ചുമത്തിയിട്ടുണ്ട്.
നടൻ തിയറ്ററിലെത്തുമെന്ന് തിയറ്റർ മാനേജ്മെന്റിന് അറിയാമായിരുന്നിട്ടും, ഈ വിവരം പൊലീസിനെ അറിയിച്ചില്ല. ജനക്കൂട്ടത്തെ നിയന്ത്രിക്കാൻ ആവശ്യമായ സുരക്ഷാ സംവിധാനങ്ങൾ, നടനും സംഘത്തിനും അകത്ത് പ്രവേശിക്കുന്നതിനും പുറത്തേക്ക് പോകുന്നതിനും പ്രത്യേക വഴികൾ തിയറ്റർ മാനേജ്മെന്റ് ഒരുക്കിയിരുന്നില്ല, എന്ന് പൊലീസ് അറിയിച്ചു.
