ക്യാമ്പസിൽ രാഷ്ട്രീയ പോര്! ‘സ്ഥാനാർഥിയെ തൊടാൻ നീ ആരാടാ’; അബിനെ തടഞ്ഞ് എസ്എഫ്ഐ പ്രവർത്തകർ
കോഴഞ്ചേരി: തിരഞ്ഞെടുപ്പ് പ്രചാരണത്തിനിടെ കോഴഞ്ചേരി സെന്റ് തോമസ് കോളേജിൽ സംഘർഷാവസ്ഥ. കോൺഗ്രസ് സ്ഥാനാർഥി അബിൻ വർക്കിയുടെ പ്രചാരണത്തെ എസ്എഫ്ഐ പ്രവർത്തകർ തടയാൻ ശ്രമിച്ചതായാണ് ആരോപണം.
പ്രചാരണ പരിപാടിക്കിടെ മന്ത്രി വീണ ജോർജിനെതിരെ കരിങ്കൊടി കാട്ടിയ പ്രവർത്തകരും സ്ഥലത്ത് ഉണ്ടായിരുന്നതോടെ സ്ഥിതി സംഘർഷകരമായി. ഇതിന് പിന്നാലെയാണ് അബിൻ വർക്കിയെ തടഞ്ഞുവെന്ന ആരോപണം ഉയർന്നത്.
സംഭവത്തിൽ എസ്എഫ്ഐ–കെഎസ്യു പ്രവർത്തകർ തമ്മിൽ ഉന്തുംതള്ളുണ്ടായി. കുറച്ചുസമയം സ്ഥലത്ത് സംഘർഷാവസ്ഥ തുടരുകയും ചെയ്തു.
അതേസമയം, സ്ഥാനാർഥിയെ തടഞ്ഞിട്ടില്ലെന്നും പ്രചാരണം തടസപ്പെടുത്തിയിട്ടില്ലെന്നും എസ്എഫ്ഐ പ്രവർത്തകർ പ്രതികരിച്ചു. സംഭവത്തിൽ കൂടുതൽ അന്വേഷണം ആവശ്യമാണെന്ന് രാഷ്ട്രീയ വൃത്തങ്ങൾ വിലയിരുത്തുന്നു.
English Summary
Tensions erupted at St. Thomas College, Kozhencherry, during a campaign event of Congress candidate Abin Varkey. Allegedly, SFI activists tried to block him, leading to a scuffle between SFI and KSU workers. SFI denied the allegations, stating that no obstruction was made.
