സീരിയലുകളിലൂടെയും സിനിമകളിലൂടെയും മലയാളി പ്രേക്ഷകരുടെ ഹൃദയം കവർന്ന വ്യക്തിയാണ് സൂരജ് സൺ. അഭിനയത്തിന് പുറമെ സമൂഹമാദ്ധ്യമങ്ങളിൽ ധാരാളം പ്രചോദന വീഡിയോകളും സൂരജ് ചെയ്യാറുണ്ട്. എന്നാൽ തന്റെ ഫെയ്സ്ബുക്ക് പേജ് ഹാക്ക് ചെയ്തെന്ന വിവരമാണ് താരം ഇപ്പോൾ ആരാധകർക്കായി പങ്കുവച്ചിരിക്കുന്നത്.
ഓരോരോ സമയദോഷങ്ങളാണെന്നാണ് താരം പറയുന്നത്. ഹാക്ക് ചെയ്ത ഒഫീഷ്യൽ ഫെയ്സ്ബുക്ക് പേജ് തിരിച്ച് പിടിക്കാനുള്ള നടപടികൾ തുടങ്ങിയിട്ടുണ്ട്. തന്റെ അക്കൗണ്ടിൽ നിന്നും അശ്ലീല മെസേജുകളും ചിത്രങ്ങളും വന്നാൽ താനുമായി യാതൊരു ബന്ധവുമില്ലെന്ന് മനസിലാക്കണമെന്നും താരം പറഞ്ഞു. ഇൻസ്റ്റഗ്രാമിലൂടെയാണ് സൂരജ് സൺ വീഡിയോ പങ്കുവച്ച് രംഗത്തെത്തിയത്.
ഷാജൂൺ കാര്യാൽ സംവിധാനം ചെയ്ത സിനിമയിലാണ് സൂരജ് സൺ ആദ്യമായി നായകനായി പ്രേക്ഷകർക്ക് മുന്നിലെത്തിയത്. പുതിയ ചിത്രത്തിന്റെ ചിത്രീകരണം നടക്കുന്നതിനിടെയാണ് ഫെയ്സ്ബുക്ക് പേജ് ഹാക്ക് ചെയ്തെന്ന വിവരം ഇപ്പോൾ താരം വ്യക്തമാക്കിയിരിക്കുന്നത്. ഹൃദയം, ആറാട്ടുമുണ്ടൻ തുടങ്ങിയ ചിത്രങ്ങളിലും സൂരജ് ചെറിയ വേഷങ്ങളിൽ എത്തിയിരുന്നു.
