കാസര്കോട്: കൊളത്തൂരില് പന്നിക്കെണിയില് കുടുങ്ങിയ പുലി രക്ഷപ്പെട്ടു.
മയക്കുവെടി വയ്ക്കാനുള്ള ശ്രമത്തിനിടെയാണ് പുലി ചാടിപ്പോയത്. വയനാട്ടില് നിന്ന് എത്തിയ ഡോക്ടര്മാര് ഉള്പ്പെടെയുള്ള വനംവകുപ്പ് സംഘം മേഖലയില് തെരച്ചിൽ തുടരുകയാണ്. പുലർച്ചെ മൂന്ന് മണിയോടെയാണ് മയക്കുവെടി വച്ചത്.
പുലിയ്ക്ക് മയക്കുവെടിയേറ്റതായും സംശയമുണ്ട്. ഈ പ്രദേശത്ത് കനത്ത മൂടല് മഞ്ഞുണ്ട്. വെളിച്ചം വീണ ശേഷം തിരച്ചില് ശക്തമാക്കുമെന്ന് വനംവകുപ്പ് അറിയിച്ചു.
ചാളക്കാട് മടന്തക്കോട് കവുങ്ങിന് തോട്ടത്തിന് സമീപമുള്ള തുരങ്കത്തിലാണ് വൈകീട്ട് ഏഴ് മണിയോടെയാണ് പുലിയെ കെണിയിൽ വീണ്ട നിലയിൽ കണ്ടെത്തിയത്.
തുടര്ന്ന് വനം വകുപ്പ് അധികൃതര് തുരങ്കത്തില് വല വെച്ച് മൂടുകയായിരുന്നു. കഴിഞ്ഞ ഒരാഴ്ച്ചയായി പെര്ളടക്കം കൊളത്തൂര് ഭാഗത്ത് പുലി ഭീഷണി ഇപ്പോഴും നിലനില്ക്കുന്നുണ്ട്.
വനംവകുപ്പ് പുലിക്കായി കൂട് വെക്കാനുള്ള നീക്കത്തിലായിരുന്നു. ഇതിനിടെയാണ് പുലി തുരങ്കത്തില് കുടുങ്ങിയത്.
