പാലായില് റിട്ട. എസ്ഐ ലോഡ്ജില് മരിച്ച നിലയില്
കോട്ടയം: റിട്ടയേര്ഡ് എസ്ഐയെ ലോഡ്ജില് മരിച്ച നിലയില് കണ്ടെത്തി. പാലാ മുത്തോലിയില് ആണ് സംഭവം. പുലിയന്നൂര് തെക്കേല് ടി.ജി സുരേന്ദ്രന്(61) ആണ് മരിച്ചത്.
കുടുംബവുമായി അകന്ന് ഒരു വര്ഷമായി ലോഡ്ജിലായിരുന്നു സുരേന്ദ്രന് താമസിച്ചിരുന്നത്. പെട്രോള് പമ്പില് ജോലി ചെയ്തിരുന്ന സുരേന്ദ്രന് രണ്ടു ദിവസമായി ജോലിയ്ക്ക് എത്തിയിരുന്നില്ല എന്നാണ് വിവരം.
തുടര്ന്ന് സഹപ്രവര്ത്തകര് അന്വേഷിച്ചെത്തിയപ്പോഴാണ് മുറിയില് നിലത്ത് കിടക്കുന്ന നിലയില് മൃതദേഹം കണ്ടെത്തിയത്. എന്നാൽ മരണകാരണം വ്യക്തമല്ല.
പോസ്റ്റുമോർട്ട നടപടികള്ക്ക് ശേഷമേ മരണകാരണം വ്യക്തമാകുകയുള്ളൂ എന്ന് പാലാ പൊലീസ് അറിയിച്ചു.
നിർത്തിയിട്ട ലോറിക്ക് പിന്നിലേക്ക് കാറിടിച്ചു കയറി; 2 യുവതികൾക്ക് ദാരുണാന്ത്യം
പാലക്കാട്: കാറും ലോറിയും കൂട്ടിയിടിട്ട് രണ്ട് യുവതികൾ മരിച്ചു. പാലക്കാട് വാളയാറിലാണ് അപകടമുണ്ടായത്. തമിഴ്നാട് സ്വദേശികളായ ലാവണ്യ, മലർ എന്നിവരാണ് മരിച്ചത്.
അപകടത്തിൽ കാറിലുണ്ടായിരുന്ന രണ്ട് പേർക്ക് ഗുരുതരമായി പരിക്കേറ്റു. ഇന്ന് രാവിലെ അഞ്ചേമുക്കാലോടെയാണ് അപകടം നടന്നത്. വാളയാറിൽ നിർത്തിയിട്ടിരുന്ന ലോറിക്ക് പിന്നിൽ കാർ വന്നിടിച്ചാണ് അപകടമുണ്ടായത്.
കാറിന്റെ ഇടതുഭാഗത്തുണ്ടായിരുന്ന രണ്ട് പേരാണ് മരിച്ചത്. ഏഴ് പേരടങ്ങുന്ന സംഘം കുട്ടികളുടെ സംഗീതപരിപാടിയിൽ പങ്കെടുത്ത് മടങ്ങിപ്പോകുമ്പോഴാണ് ദാരുണ സംഭവം നടന്നത്. കാറിലുണ്ടായിരുന്ന മറ്റുള്ളവരെ പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.
മലർ എന്ന യുവതിയുടെ മൂന്ന് വയസുള്ള മകന്റെ നിലയാണ് ഗുരുതരമായി തുടരുന്നത്. കുഞ്ഞിനെ വിദഗ്ധ ചികിത്സക്കായി പാലക്കാട് സ്വകാര്യ ആശുപത്രിയിൽ നിന്നും കോയമ്പത്തൂരിലേക്ക് മാറ്റിയിരിക്കുകയാണ്.
നാട്ടുകാരുടെ നേതൃത്വത്തിലാണ് അപകട സ്ഥലത്ത് രക്ഷാപ്രവർത്തനം നടത്തിയത്. കാർ വെട്ടിപ്പൊളിച്ചാണ് കാറിനുള്ളിൽ നിന്നും പരിക്കേറ്റവരെ പുറത്തെടുത്തത്.
Summary: A retired Sub-Inspector, TG Surendran (61), was found dead in a lodge at Pala Mutholi. He had been living away from his family for the past year. Police have launched an inquiry into the incident.
, was found dead in a lodge at Pala Mutholi){kind=link}