ആലപ്പുഴ: എരമല്ലൂരിൽ 2.5 കിലോഗ്രാം കഞ്ചാവുമായി യുവാവ് പിടിയിൽ. എഴുപുന്ന സുബൈർ മൻസിലിൽ മുഹമ്മദ് ആസിഫിനെ(29) ആണ് എക്സൈസ് ആലപ്പുഴ സ്പെഷ്യൽ സ്ക്വാഡ് സിഐ മഹേഷും സംഘവും പിടികൂടിയത്.
എരമല്ലൂർ ജംങ്ഷന് സമീപത്ത് വെച്ച് ബൈക്കിൽ പോവുകയായിരുന്ന രണ്ട് പേരുടെ ബാഗിൽ നിന്ന് കഞ്ചാവ് റോഡിൽ വീഴുകയായിരുന്നു. പിന്നാലെ മറ്റൊരു സ്കൂട്ടറിൽ വന്ന ആസിഫ് ഇത് കൈക്കലാക്കി.
സമീപത്ത സിസിടിവി കാമറയിൽ ഇതിൻ്റെ ദൃശ്യങ്ങൾ പതിയുകയും ആലപ്പുഴ എക്സൈസ് സൈബർ സെൽ പിന്നീട് സ്ക്വാഡ് ടീമിന് കൈമാറുകയും ചെയ്തു. അതിനു ശേഷം പ്രതിയെ വീടിന് സമീപത്ത് നിന്ന് അറസ്റ്റ് ചെയ്യുകയായിരുന്നു.
