യൂറോപ്യൻ മലയാളികളുടെ മരണവാർത്തയാണ് കഴിഞ്ഞ കുറച്ചു ദിവസങ്ങളായി നമ്മെ ദുഖത്തിലാഴ്ത്തിക്കൊണ്ടിരിക്കുന്നത്. ഓരോ വാർത്ത വരുമ്പോഴും ഇത് ഒടുവിലത്തേത് ആവണേ എന്ന പ്രാർത്ഥനയാണ് ഓരോ മലയാളിക്കും. യൂറോപ്പിൽ നിന്നും കുടുംബത്തെ കാണാൻ നാട്ടിലെത്തിയ മലയാളി യുവാവ് എയർപോർട്ടിൽ വച്ച് മരണമടഞ്ഞ ദുഃഖവാർത്തയാണ് ഇപ്പോൾ പുറത്തുവരുന്നത്. A Malayali youth dies tragically on a flight from Europe to Kerala.
ഞായറാഴ്ച രാവിലെയായിരുന്നു സംഭവം. ചെങ്ങാലൂർ സ്വദേശി നിഷാന്ത് (37) ആണ് മരിച്ചത്. റുമാനിയയിൽ നിന്നു ദോഹയിലെത്തി കണക്ഷൻ ഫ്ലൈറ്റ് വഴിയാണ് ഇദ്ദേഹം നെടുമ്പാശേരിയിൽ എത്തിയത്. മറ്റു യാത്രക്കാർ ഇറങ്ങിയിട്ടും നിഷാന്ത് വിമാന സീറ്റിൽ തന്നെ ഇരിക്കുന്ന നിലയിൽ കണ്ടെത്തിയതിനെ തുടർന്ന് പരിശോധിച്ചപ്പോഴാണ് മാറാനാവിലുവർ പുറത്തറിഞ്ഞത്.
3 മാസം മുൻപാണ് നിഷാന്ത് യൂറോപ്പിലേക്ക് ജോലിക്കായി പോയത്. തിരിച്ച് നാട്ടിലേക്ക് വരുന്നതിനിടെയാണ് മരണം. വിമാന ജോലിക്കാർ എത്തി നിഷാന്തിന് പ്രഥമശുശ്രൂഷ നൽകി അങ്കമാലിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. ഇന്നലെ ഉച്ചയോടെ മൃതദേഹം വീട്ടിലെത്തിച്ചു. സംസ്കാരം നടത്തി. ഭാര്യ: അതുല്യ. മകൾ: ജാനകി (ഒന്നര വയസ്). എസ്എൻപുരം പാലപറമ്പിൽ ചന്ദ്രന്റെയും തങ്കമണിയുടെയും മകനാണ്.
