ചിപ്സ് പാക്കറ്റിൽ ചത്ത തവളയും ഐസ്ക്രീമിൽ മനുഷ്യന്റെ വിരലും മറ്റും കണ്ടെത്തിയ സംഭവത്തിൻെ നടുക്കം മാറുമെന്നതിനു മുൻപേ വീണ്ടും സമാനമായ വാർത്തയാണ് പുറത്തുവരുന്നത്. ഹോട്ടലിൽ വിളമ്പിയ സാമ്പാറിൽ ചത്ത എലിയെ കണ്ടെത്തി എന്ന വാർത്തയാണ് ഇപ്പോൾ പുറത്തു വരുന്നത്. സംഭവത്തിന്റെ വീഡിയോ പുറത്തുവന്നതിനെ തുടർന്ന് നാനാദിക്കിൽ നിന്നും കടുത്ത രോക്ഷമാണ് ഉയരുന്നത്. (A dead rat floated in the sambar served with the dosa)
അഹമ്മദാബാദ് നിക്കോളിലെ ദേവി ദോശ റെസ്റ്റോറന്റിൽ ആണ് സംഭവം. ദോശ കഴിക്കാനായി എത്തിയ ആളിന് നൽകിയ സാമ്പാറിൽ ആണ് ചത്ത എലി പൊങ്ങിവന്നത്. ഏലിയെക്കണ്ട ഉപഭോക്താവ് മുൻസിപ്പൽ കോർപ്പറേഷൻ പരാതി നൽകി. ഇതിനെ തുടർന്ന് അധികൃതർ എത്തി നോട്ടീസ് നൽകുകയും ഹോട്ടൽ അടച്ചു പൂട്ടുകയും ചെയ്തു.
അടുത്തിടെ സമാനമായ നിരവധി സംഭവങ്ങളാണ് രാജ്യത്ത് അരങ്ങേറുന്നത്. മുംബൈയിൽ ഡോക്ടർ ഓൺലൈൻ ആയി വാങ്ങിയ ഐസ്ക്രീമിൽ വിരൽ കണ്ടെത്തിയ വാർത്ത കഴിഞ്ഞാഴ്ചയാണ് പുറത്തുവന്നത്. ഈ വിരൽ ജീവനക്കാരന്റെതാണെന്ന് തെളിഞ്ഞിരുന്നു.
അപകടത്തിൽ മുറിഞ്ഞ വിരൽ ഐസ്ക്രീമിൽ കലരുകയായിരുന്നു.ഗുജറാത്തിലെ ജാം നഗറിൽ കടയിൽ നിന്ന് വാങ്ങിയ ഉരുളക്കിഴങ്ങ് ചിപ്സിന്റെ പാക്കറ്റിൽ ചത്ത തവളയെ കണ്ടെത്തിയതും വാർത്തയായിരുന്നു.
