പാരച്യൂട്ട് ജമ്പിനിടെ പാരച്യൂട്ട് ശരിയായ രീതിയിൽ തുറക്കാതെ വന്നതിനെ തുടർന്ന് വീഡിയോഗ്രാഫർ ദാരുണമായി മരിച്ചു. ഹാംപ്ഷെയറില് നിന്നുള്ള 46 കാരനായ വീഡിയോഗ്രാഫർ സാം കോൺവെൽ എന്നയാളാണ് മരിച്ചത്. സൗത്ത് വെസ്റ്റ് ഇൻഡസ്ട്രിയൽ എസ്റ്റേറ്റിൽ ആണ് സംഭവം. A 46-year-old videographer has a tragic end in the UK
ഒരു സഹ സ്കൈഡൈവറിന്റെ വീഡിയോ ചിത്രീകരണത്തിനായി പാരച്യൂട്ട് ജമ്പിംഗ് നടത്തിയതായിരുന്നു സാം കോൺവെൽ. എന്നാൽ യഥാസമയം പാരച്യൂട്ട് തുറക്കാന് അദ്ദേഹത്തിന് സാധിക്കാത്തതിനെ തുടര്ന്നാണ് അപകടമുണ്ടായതെന്ന് റിപ്പോര്ട്ടുകള് പറയുന്നു.
തന്റെ പാരച്യൂട്ടിന്റെ പ്രധാനഭാഗം തുറന്നെങ്കിലും അത് പൂര്ണ്ണമായും തുറക്കാന് അദ്ദേഹത്തിന് കഴിഞ്ഞില്ല. ഇതോടെ പാരച്യൂട്ടിന് കാറ്റ് പിടിക്കാന് സാധിക്കാതെ വരികയായിരുന്നു. അദ്ദേഹത്തെ പിന്നീട് ഒരു മരത്തില് കുടുങ്ങിക്കിടക്കുന്ന നിലയിലാണ് കണ്ടെത്തിയത്. സംഭവ സ്ഥലത്ത് വച്ച് തന്നെ അദ്ദേഹം മരിച്ചിരുന്നെന്നും റിപ്പോര്ട്ടുകള് പറയുന്നു.
പിന്നീട് അദ്ദേഹം അവിടെ നിന്നും സൗത്ത് വെസ്റ്റ് ഇൻഡസ്ട്രിയൽ എസ്റ്റേറ്റിലെ മേൽക്കൂരയിലേക്കും പിന്നീട് നിലത്തേക്കും വീണു. വീഴ്ചയില് ഗുരുതരമായ പരിക്കുകളായിരുന്നു അദ്ദേഹത്തിന് ഉണ്ടായിരുന്നത്.
പാരച്യൂട്ട് തുറക്കാതെയുണ്ടായ അപകടത്തെ തുടര്ന്നുള്ള മരണത്തിന് പിന്നാലെ സാം കോൺവെല്ലിന്റെ പാരച്യൂട്ട് ശരിയായ രീതിയിലായിരുന്നില്ല ക്രമീകരിച്ചിരുന്നെന്ന് ആരോപണം ഉയര്ന്നിരുന്നു. ഇതിനെ തുടർന്ന് അന്വേഷണത്തിന് ഉത്തരവിട്ടിരുന്നു.
പ്രദേശത്തെ സിസിടിവി ദൃശ്യങ്ങളിൽ വീഡിയോഗ്രാഫർ മേൽക്കൂരയിൽ ഇടിച്ച് വീഴുന്ന നിമിഷം കോടതി സൂക്ഷ്മ പരിശോധനയ്ക്ക് വിധേയമാക്കിയത് കഴിഞ്ഞ ദിവസമാണ്.
