വളരെ നിഷ്കളങ്കമായ മനസ്സാണ് കുട്ടികളുടെത്. അവരുടെ മനസ്സിൽ തോന്നുന്ന കാര്യങ്ങൾ മുൻപിൻ നോക്കാതെ അവർ നിഷ്കളങ്കമായി ചെയ്യുന്നു. ചില കാര്യങ്ങൾ അവരുടെ മനസ്സിൽ എത്ര ആഴത്തിലാണ് പതിനൊന്ന് പലപ്പോഴും മുതിർന്നവർക്ക് മനസ്സിലാവാറില്ല. അതിന് ഉത്തമ ഉദാഹരണമാണ് ചൈനയിൽ നിന്ന് വരുന്ന ഈ വാർത്ത. സ്വന്തം പിതാവിനെ കുറിച്ച് ഒന്നും രണ്ടും തവണയല്ല എട്ടു തവണയാണ് ഒരു കുഞ്ഞ് പോലീസ് സ്റ്റേഷനിൽ പരാതി നൽകിയത്. 10 വയസ്സുള്ള അവന്റെ പ്രധാന ആവശ്യം മറ്റൊന്നുമായിരുന്നില്ല തന്റെ മൂത്ത സഹോദരിക്ക് അച്ഛൻ കൂടുതൽ ശ്രദ്ധ നൽകുന്നതിനാൽ തന്റെ കാര്യങ്ങളിൽ ശ്രദ്ധ കുറയുന്നു. പിതാവ് തന്നെ അവഗണിക്കുന്നതായി തോന്നുന്നു എന്നാണ് അവൻ എട്ടു തവണയും പരാതിയിൽ പറയുന്നത്. ചൈനയിലെ ഹുനാൻ പ്രവിശ്യയിലാണ് സംഭവം. അച്ഛൻ തന്നെ അവഗണിക്കുന്നു എന്ന് തോന്നിയപ്പോൾ എല്ലാം അവൻ തന്നെ വീട്ടിൽ നിന്ന് ഒരു കിലോമീറ്റർ അകലെയുള്ള പോലീസ് സ്റ്റേഷനിൽ പോയി പരാതി നൽകുകയായിരുന്നു.
കഴിഞ്ഞ ജനുവരി 28 ആം തീയതിയാണ് അവൻ അവസാനമായി പോലീസ് ഉ ഉദ്യോഗസ്ഥന്റെ അടുത്തെത്തിയത്. പോലീസിനോട് അവൻ പരാതി പറയുന്ന വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. എന്തിനാണ് കരയുന്നത് എന്നും ആരാണ് നിന്നെ ദേഷ്യം പിടിപ്പിച്ചതന്നും പോലീസുകാരൻ ചോദിക്കുമ്പോൾ എന്റെ അച്ഛനാണ് ഇതിന് കാരണം എന്ന് കരഞ്ഞുകൊണ്ട് പറയുന്നു കുട്ടി. ഷർട്ട് മാത്രം ധരിച്ച് എത്തിയ അവനോട് കോട്ട് എവിടെ എന്ന് പോലീസുകാരൻ ചോദിക്കുമ്പോൾ അവൻ കൂടുതൽ കൂടുതൽ കരയുകയാണ്.
കുട്ടിക്ക് പിന്നാലെ എത്തിയ അച്ഛൻ കോട്ടുമായി വന്നു അവനു നൽകിയപ്പോൾ അത് വാങ്ങാൻ കൂട്ടാക്കാതെ അവൻ കൂടുതൽ ദേഷ്യപ്പെട്ടു. എനിക്കൊരു കോട്ട് തെരഞ്ഞെടുക്കാൻ പോലും അച്ഛൻ ഒരുപാട് സമയമെടുക്കുന്നു എന്നായിരുന്നു അവന്റെ പുതിയ പരാതി. എന്നാൽ കുട്ടി പരാതിയിൽ ചില വാസ്തവങ്ങൾ ഉണ്ടായിരുന്നു. ജോലിത്തിരക്കായതിനാൽ തങ്ങൾ തങ്ങളുടെ കുട്ടികളെ അവഗണിച്ചു എന്ന് മാതാപിതാക്കൾ സ്റ്റേഷനിൽ സമ്മതിച്ചു. ഒടുവിൽ പോലീസുകാർ ഇടപെട്ട് കുട്ടിയെയും മാതാപിതാക്കളെയും സമാധാനിപ്പിച്ച് തിരിച്ചയക്കുകയായിരുന്നു.
