സെപ്റ്റംബറിൽ മധ്യ ഇംഗ്ലണ്ടിലെ ലേസ്റ്ററിനടുത്തുള്ള ബ്രൗൺസ്റ്റോണിൽ പാർക്കിൽവെച്ച് വംശീയാധിക്ഷേപത്തിന് ശേഷം വയോധികനെ കൊലപ്പെടുത്തിയ കേസിൽ രണ്ട് കൗമാരക്കാർ കുറ്റക്കാരെന്ന് വിധി. 14 , 12 വയസുള്ള രണ്ടു കൗമാരക്കാരാണ് കൊലനടത്തിയത്. പ്രായപൂർത്തിയാകാത്തതിനാൽ ഇവരുടെ പേരു വിവരങ്ങൾ പുറത്തുവിട്ടിട്ടില്ല.
80 കാരനായ ഭീം സെൻ കോഹ്ലിയാണ് ആക്രമണത്തിൽ കൊല്ലപ്പെട്ടത്. തന്റെ നായയുമായി പാർക്കിലൂടെ നടക്കാൻ ഇറങ്ങിയതായിരുന്നു ഇയാൾ. നിരപരാധിയായ മനുഷ്യനെ കാരണമില്ലാതെ പ്രകോപിപ്പിക്കുകയും കൊലചെയ്യുകയുമായിരുന്നു എന്ന് പ്രോസിക്യൂഷൻ കണ്ടെത്തി. പെൺകുട്ടിയുടെ പ്രോത്സാഹനത്തിലാണ് കൗമാരക്കാരൻ കൊലപാതകം നടത്തിയത് എന്ന് കോടതി കണ്ടെത്തിയത്.
ചരിത്രത്തിൽ ആദ്യം ! യു.കെ.യിൽ മാറ്റിവെച്ച ഗർഭപാത്രമുപയോഗിച്ച് കുഞ്ഞിന് ജന്മം നൽകി യുവതി…!
യു.കെ.യിൽ ജന്മനാ ഗർഭപാത്രമില്ലാതെ ജനിച്ച യുവതി മാറ്റിവെച്ച ഗർഭപാത്രമുപയോഗിച്ച് കുഞ്ഞിന് ജന്മം നൽകി. ആദ്യമായാണ് യു.കയിൽ മാറ്റിവെച്ച ഗർഭപാത്രം ഉപയോഗിച്ച് കുഞ്ഞ് ജനിക്കുന്നത്. കുഞ്ഞിന്റെ അമ്മയായ 36 കാരിയായ ഗ്രേസ് ഡേവിഡ്സൺ പ്രവർത്തനരഹിതമായ ഗർഭപാത്രമില്ലാതെയാണ് ജനിച്ചത്.
2023 ൽ അവരുടെ സഹോദരിയുടെ ഗർഭപാത്രം അവർക്ക് ലഭിച്ചു – അന്ന് യുകെയിലെ ഒരേയൊരു വിജയകരമായ ഗർഭപാത്രം മാറ്റിവയ്ക്കൽ ശസ്ത്രക്രിയയായിരുന്നു അത്. ശസ്ത്രക്രിയയ്ക്ക് രണ്ട് വർഷത്തിന് ശേഷം, ഫെബ്രുവരിയിൽ ഗ്രേസ് തന്റെ ആദ്യത്തെ കുഞ്ഞിന് ജന്മം നൽകി.
ഗർഭപാത്രം ദാനം ചെയ്ത ഗ്രേസിന്റെ സഹോദരിയുടെ പേരാണ് അവരും ഭർത്താവ് ആംഗസും (37) തങ്ങളുടെ മകൾക്ക് ആമി എന്ന് പേരിട്ടിരിക്കുന്നത്. രണ്ട് കിലോയിൽ കൂടുതൽ (നാലര പൗണ്ട്) ഭാരമുള്ള കുഞ്ഞ് ആമിയെ ആദ്യമായി കൈയിലെടുക്കുന്നത് ‘അവിശ്വസനീയവും’ ‘അതിശയകരവുമായിരുന്നു’ എന്ന് അമ്മ ഗ്രേസ് പറയുന്നു.
വടക്കൻ ലണ്ടനിൽ താമസിക്കുന്ന ഗ്രേസും ആംഗസും സ്‌കോട്ട്‌ലൻഡിൽ നിന്നുള്ളവരാണ്, മാറ്റിവയ്ക്കപ്പെട്ട ഗർഭപാത്രം ഉപയോഗിച്ച് രണ്ടാമത്തെ കുട്ടിയ്ക്ക് ജന്മം നൽകാമെന്ന് അവർ പ്രതീക്ഷിക്കുന്നു.
ഗ്രേസിന്റെ ഗർഭപാത്രം മാറ്റിവയ്ക്കൽ ശസ്ത്രക്രിയയ്ക്ക് ശേഷം മരിച്ച ദാതാക്കളെ ഉപയോഗിച്ച് മൂന്ന് ഗർഭപാത്രം മാറ്റിവയ്ക്കൽ ശസ്ത്രക്രിയകൾ കൂടി നടത്തിയതായി ശസ്ത്രക്രിയ നടത്തിയ മെഡിക്കൽ ടീം അറിയിച്ചു. 2019 ലാണ് ഗ്രേസിന്റെ രണ്ട് സഹോദരിമാരിൽ ഒരാളായ ആമി പർഡി തന്റെ ഗർഭപാത്രം ഗ്രേസിന് ദാനം ചെയ്യുന്നത്. അവർക്ക് അപ്പോൾ രണ്ട് കുട്ടികൾ ഉണ്ടായിരുന്നു.
