കാസർകോട്: റെയിൽവേ ഗേറ്റിൽ സ്വകാര്യ ബസ് ഡ്രൈവർമാരുടെ തർക്കത്തെ തുടർന്ന് ട്രെയിൻ പിടിച്ചിട്ടു. കാസർകോട് തൃക്കരിപ്പൂർ-പയ്യന്നൂർ റൂട്ടിൽ ബീരിച്ചേരി റെയിൽവെ ഗേറ്റിലാണ് സംഭവം നടന്നത്. മുഖാമുഖം വന്ന ബസുകൾ മാറ്റാതെ ഡ്രൈവർമാർ പരസ്പരം തർക്കിക്കുകയായിരുന്നു.
ബസ് ഡ്രൈവർമാരുടെ തർക്കം മൂലം മംഗളൂരു ഭാഗത്തേക്ക് പോകുകയായിരുന്ന കന്യാകുമാരി-ദിബ്രുഗഡ് വിവേക് എക്സ്പ്രസാണ് പിടിച്ചിട്ടത്. ഇന്നലെ ഉച്ചയ്ക്ക് 12.30ഓടെയാണ് സംഭവം.
- Daily Lotion/ Cream for everyday use
- Enriched with natural ingredients: shea butter,Vitamin E and Pro-Vitamin B5
- Allergy-tested and dermatologically tested
ചെറുവത്തൂർ ഭാഗത്ത് നിന്നും വന്ന സ്വകാര്യബസ് റെയിൽവേ ഗേറ്റ് കടക്കുന്നതിനിടെ മറുഭാഗത്ത് പയ്യന്നൂരിൽ നിന്ന് തൃക്കരിപ്പൂരിലേക്ക് പോകുകയായിരുന്ന സ്വകാര്യ ബസ് എതിരേ വരികയായിരുന്നു. ഒരു ബസിന്റെ പിൻഭാഗം ട്രെയിൻ വരുന്ന ട്രാക്കിലേക്ക് ആണ് തള്ളിനിന്നിരുന്നത്. മുന്നറിയിപ്പ് ലഭിച്ചിട്ടും ഇരു ബസ് ഡ്രൈവർമാരും തർക്കം നിർത്തിയില്ല.
ഗേറ്റ് അടക്കാൻ സാധിക്കാത്തിനെ തുടർന്ന് റെയിൽവേ ഗേറ്റിന് 500 മീറ്ററകലെ ട്രെയിൻ നിർത്തി. ഈ സമയം നാട്ടുകാരും റെയിൽവേ ഗേറ്റ് കീപ്പറും ഇടപെട്ടതോടെ പയ്യന്നൂരിൽ നിന്നെത്തിയ ബസ് പിന്നോട്ട് നീക്കുകയായിരുന്നു. അഞ്ച് മിനിട്ടോളം ട്രെയിൻ ഇവിടെ നിർത്തിയിടേണ്ടി വന്നു. ഇതോടെ പിന്നാലെ വന്ന ട്രെയിനുകളും വൈകി.
