കോഴിക്കോട്: മുക്കത്ത് വീടിനോട് ചേർന്ന പറമ്പിൽനിന്നും മൂർഖൻ പാമ്പുകളെ പിടികൂടി. ഇന്നലെയാണ് സംഭവം നടന്നത്. കാരശ്ശേരി പഞ്ചായത്തിലെ കളരിക്കണ്ടി സ്വദേശി എതിർപാറമ്മൽ കൃഷ്ണത് ബാലന്റെ വീട്ടുവളപ്പിൽ നിന്നാണ് മൂർഖൻ പാമ്പുകളെ പിടികൂടിയത്. വീട്ടുവളപ്പിലെ പൊത്തിലായിരുന്നു പാമ്പുകൾ കയറിയത്.
വനംവകുപ്പിലെ സ്നെക് റെസ്ക്യു പ്രവർത്തകരാണ് പാമ്പുകളെ പിടികൂടിയത്. പൊത്തിനുള്ളിൽ കയറിയ പാമ്പുകളെ ഏറെ ശ്രമകരമായാണ് പിടികൂടിയത്. പൊത്ത് പൊളിച്ചശേഷം പുറത്തെടുത്ത പാമ്പ് വീണ്ടും പൊത്തിനുള്ളിലേക്ക് കയറിപോകുകയായിരുന്നു. ഒരോ പാമ്പുകളെയായിട്ടാണ് ഇവർ പുറത്തെടുത്തത്. പിടികൂടിയ പാമ്പുകളെ ഉള്ക്കാട്ടിൽ തുറന്നുവിടും
