കായംകുളം കൃഷ്ണപുരത്ത് ഒരു വീട്ടിൽ കത്തിക്കരിഞ്ഞ നിലയിൽ ഒരു മൃതദേഹം കണ്ടെത്തിയതായി റിപ്പോർട്ട്. പാലസ് വാർഡിലെ കിഴക്കേ വീട്ടിൽ സരളയുടെ വീട്ടിലാണ് ഈ മൃതദേഹം കണ്ടെത്തിയത്, എന്നാൽ ആരാണെന്നു മനസ്സിലായിട്ടില്ല. സരളയുടെ സഹോദരന്റെ ഭാര്യ സിന്ധുവിന്റെ മൃതദേഹമാണിതെന്ന് സംശയിക്കുന്നു. A burnt body was found in a house in Krishnapuram, Kayamkulam.
സിന്ധു ഈ വീട്ടിൽ ഇടക്കിടെ താമസിക്കാറുണ്ട്, അയൽവാസികൾ സിന്ധുവിനെ വീട്ടിലേക്ക് വരുന്നത് കണ്ടിട്ടുണ്ട്. പ്രാഥമിക നിഗമനമനുസരിച്ച്, ഇത് ആത്മഹത്യയാണെന്നാണ് കരുതുന്നത്.
ക്ഷേത്രത്തിലെ ജീവനക്കാരിയായ സരള ഈ വീട്ടിൽ ആണ് താമസിക്കുന്നത്. ക്ഷേത്രത്തിൽ നിന്ന് വീട്ടിലേക്ക് മടങ്ങുമ്പോൾ ഗ്യാസ് സിലിണ്ടർ കത്തുന്നത് കണ്ട സരള, ഉടൻ അഗ്നിരക്ഷാസേനയെ അറിയിക്കുകയായിരുന്നു. തീ അണച്ച ശേഷം നടത്തിയ പരിശോധനയിലാണ് കത്തിക്കരിഞ്ഞ നിലയിൽ മൃതദേഹം കണ്ടെത്തിയത്.
