പാകിസ്ഥാനിലെ ഒരു സ്കൂളിനു സമീപം മോട്ടോർ സൈക്കിളിൽ ഘടിപ്പിച്ച ബോംബ് പൊട്ടിത്തെറിച്ചു. 5കുട്ടികളുൾപ്പെടെ 7 പേർകൊല്ലപ്പെട്ടു.
പാകിസ്ഥാനിലെ ബലൂചിസ്ഥാൻ പ്രവിശ്യയിൽ ഗേൾസ് ഹൈസ്കൂളിന് സമീപമാണ് ഇന്ന് സ്ഫോടനം നടന്നത്.
ഈ ആക്രമണത്തിൽ 22 പേർക്ക് ഗുരുതരമായി പരിക്കേറ്റു. പരിക്കേറ്റവരിൽ ഭൂരിഭാഗവും സ്കൂൾ വിദ്യാർഥികളാണ്. ചിലരുടെ അവസ്ഥ ഗുരുതരമാണ്.
മോട്ടോർ സൈക്കിളിൽ ഘടിപ്പിച്ച ബോംബ് പൊട്ടിത്തെറിച്ചാണ് സ്ഫോടനമുണ്ടായതെന്ന് പോലീസ് അന്വേഷണത്തിൽ കണ്ടെത്തി.
പരിക്കേറ്റ സ്കൂൾ കുട്ടികൾ ഉൾപ്പെടെ എല്ലാവരേയും അടുത്തുള്ള ആശുപത്രിയിലേക്ക് മാറ്റിയതായും, സ്‌ഫോടനത്തിൽ ഒരു പോലീസ് വാനും നിരവധി ഓട്ടോറിക്ഷകളും തകർന്നതായും മാധ്യമങ്ങൾ റിപ്പോർട്ടു ചെയ്തു.
English summary : Explosion near a school in Pakistan ; 7 people including 5 children were killed ; 22 people were seriously injured
