തിരുവനന്തപുരം: കോൺഗ്രസ് നേതാവും കിസാന് കോണ്ഗ്രസ് ദേശീയ വൈസ് പ്രസിഡന്റുമായ ലാല് വര്ഗീസ് കല്പകവാടി അന്തരിച്ചു. 72 വയസായിരുന്നു. തിരുവല്ല ബിലീവേഴ്സ് ചർച്ച് ആശുപത്രിയിൽ വെച്ചാണ് അന്ത്യം സംഭവിച്ചത്.(Lal Varghese kalpakavadi passed away)
ഹൃദയസംബന്ധമായ അസുഖങ്ങള് മൂലം ചികിത്സയിലായിരുന്നു. 17 വര്ഷം കര്ഷക കോണ്ഗ്രസ് സംസ്ഥാന പ്രസിഡന്റായിരുന്നു. സംഘടനയുടെ ജനറല് സെക്രട്ടറി, വൈസ് പ്രസിഡന്റ്, ട്രഷറര് തുടങ്ങിയ സ്ഥാനങ്ങള് വഹിച്ചിട്ടുണ്ട്. കെപിസിസി എക്സിക്യൂട്ടിവ് അംഗമാണ്. കേരള കര്ഷക ക്ഷേമനിധി ബോര്ഡ് അംഗമായിരുന്നു അദ്ദേഹം.
2016-ല് കിസാന് കോണ്ഗ്രസ് ദേശീയ കോ-ഓര്ഡിനേറ്ററായി. 2021-ല് യുഡിഎഫിന്റെ സ്ഥാനാര്ഥിയായി രാജ്യസഭയിലേക്കു മത്സരിച്ചിരുന്നു. ഉമ്മന് ചാണ്ടി സര്ക്കാരിന്റെ കാലത്ത് ഹോള്ട്ടികോര്പ്പ് ചെയര്മാനായിരുന്നു. ആദ്യകാല കമ്യൂണിസ്റ്റ് നേതാവ് വര്ഗീസ് വൈദ്യന്റെ മകനാണ് ലാല് വര്ഗീസ് കല്പകവാടി.
