കല്‍പ്പറ്റ: വയനാട് ദുരന്തത്തിൽ മാതാപിതാക്കളും സഹോദരിയും നഷ്ടപ്പെട്ട ശ്രുതിയെ തനിച്ചാക്കി ജെൻസൻ മടങ്ങി. കല്‍പ്പറ്റ വെള്ളാരംകുന്നിന് സമീപം ഇന്നലെ ഉണ്ടായ വാഹനാപകടത്തില്‍ ഗുരുതരമായി പരിക്കേറ്റ് ചികിത്സയിലിരിക്കെയാണ് മരണം സംഭവിച്ചത്. ശ്രുതിയുടെ പ്രതിശ്രുതവരനായിരുന്നു ജെൻസൻ. (Wayanad accident; jensan died)
ഇന്ന് രാത്രി 8.57 ഓടെയാണ് മരണം സംഭവിച്ചത്. അപകടത്തില്‍ ശ്രുതിയും ജെന്‍സനുമുള്‍പെടെ ഒമ്പത് പേര്‍ക്കു പരിക്കേറ്റിരുന്നു. വയനാട് ഉരുള്‍പ്പൊട്ടലില്‍ അച്ഛന്‍ ശിവണ്ണന്‍, അമ്മ സബിത, സഹോദരി ശ്രേയ എന്നിവരെ കൂടാതെ ശ്രുതിയുടെ കുടുംബത്തിലെ ഒമ്പത് പേരാണ് മരിച്ചത്. കോഴിക്കോട് ജോലിസ്ഥലത്തായതിനാല്‍ ശ്രുതി അപകടത്തില്‍പ്പെടാതെ രക്ഷപ്പെട്ടു.
ദുരന്തത്തിന് ഒരു മാസം മുന്‍പ് ഇവരുടെ വിവാഹ നിശ്ചയം കഴിഞ്ഞിരുന്നു. ഈ മാസം അവസാനം വിവാഹം നടത്താന്‍ തീരുമാനിച്ചിരിക്കെയാണു വാഹനാപകടം ജെൻസന്റെ ജീവൻ കവർന്നത്.
പരേതനായ പ്രതി 29 വർഷത്തിന് ശേഷം പൊലീസ് പിടിയിൽ; മുൻ നേവി ഉദ്യോഗസ്ഥനാണ് പിടിയിലായ കോശി ജോൺ
