ഹേമ കമ്മിറ്റി റിപ്പോർട്ട് പുറത്തു വന്നതിന് പിന്നാലെ ഗുരുതര ആരോപണങ്ങളാണ് ഉയർന്നു വരുന്നത്. പ്രമുഖ നടന്മാരാക്കടക്കം ദിവസേന കുറ്റാരോപിതർ ആയികൊണ്ടിരിക്കുകയാണ്. ആരോപണങ്ങളുമായി ബന്ധപ്പെട്ട സോഷ്യൽ മീഡിയയിലൂടെയും അല്ലാതെയും താരങ്ങളടക്കം നിരവധിയാളുകൾ രംഗത്തെത്തിയിരുന്നു. അതിനിടെ നടിയും നർത്തകിയുമായ നാരായണൻ കുട്ടി സോഷ്യൽ മീഡിയയിൽ പങ്കുവച്ച പോസ്റ്റ് വൈറലായിരിക്കുകയാണ്.(Rachana Narayanankutty’s Facebook post goes viral)

ശ്രീകൃഷ്ണ ജയന്തിക്ക് ആശംസകൾ അറിയിച്ചുള്ള പോസ്റ്റ് ആണ് വൈറലായത്. ‘രണ്ടു നാലു ദിനം കൊണ്ടൊരുത്തനെ തണ്ടിലേറ്റി നടത്തുന്നതും ഭവാൻ. മാളിക മുകളേറിയ മന്നന്റെ തോളിൽ മാറാപ്പു കേറ്റുന്നതും ഭവാൻ’, എന്ന കുറിപ്പാണ് താരം പങ്കുവച്ചിരിക്കുന്നത്. ജ്ഞാനപ്പാനയിലെ പ്രശസ്തമായ വരികളാണ് ഇത്. പോസ്റ്റിലെ ഈ വരികൾ വലിയ രീതിയിൽ ചർച്ചയാകുന്നുണ്ട്. മറ്റെന്തിനേയോ സൂചിപ്പിക്കുന്നതാണ് ഈ വരികളെന്നാണ് പ്രേക്ഷകരുടെ കണ്ടെത്തൽ.

‘ആരെയോ കുത്തി നോവിക്കുന്നുണ്ടോ എന്ന് ഒരു സംശയം’, ‘സന്ദർഭത്തിനും സാഹചര്യത്തിനും ചേർന്നൊരു ക്യാപ്ഷൻ’, ‘ആർക്കോ കൊണ്ടപോലെ’, ‘പറയാതെ പറഞ്ഞു. എല്ലാം നല്ലതിന് വേണ്ടി മാത്രം’, തുടങ്ങി നിരവധി കമന്റുകളാണ് പോസ്റ്റിന് താഴെ വരുന്നത്. ഇന്നലെ നടി മഞ്ജു വാര്യരും ഏറെ കുറെ സമാനമായ രീതിയിൽ സോഷ്യൽ മീഡിയയിൽ പ്രതികരിച്ചിരുന്നു. ഒന്നും മറക്കരുതെന്നാണ് മഞ്ജു വാര്യർ ഫേസ്ബുക്കിൽ കുറിച്ചത്. ഒരു സ്ത്രീ പോരാടാൻ തീരുമാനിച്ചിടത്ത് നിന്നാണ് എല്ലാം തുടങ്ങിയതെന്നുമാണ് മഞ്ജു ഫേസ്ബുക്കിൽ കുറിച്ചത്.