തിരുവനന്തപുരം: കേരളത്തിൽ ഏറ്റവും കൂടുതൽ കാലം തുടർച്ചയായി മന്ത്രിസ്ഥാനത്ത് ഇരുന്ന റെക്കോർഡുമായി മന്ത്രി എ കെ ശശീന്ദ്രൻ. തുടർച്ചയായി 2364 ദിവസം (6 വർഷം 5 മാസം 22 ദിവസം) ആണ് ശശീന്ദ്രൻ മന്ത്രിയായത്. മുഖ്യമന്ത്രി ഒഴികെയുള്ള കണക്കാണ് പുറത്തു വന്നിരിക്കുന്നത്.(Longest consecutive ministerial tenure; AK Saseendran with record achievement)
രണ്ടാം അച്യുതമേനോൻ സർക്കാരിലെ ബേബി ജോൺ, കെ അവുക്കാദർകുട്ടി നഹ, എൻ കെ ബാലകൃഷ്ണൻ (മൂന്നുപേരും 1970 ഒക്ടോബർ 4 – 1977 മാർച്ച് 25; 2364 ദിവസം) എന്നിവർക്കൊപ്പമാണ് ജൂലൈ 23 ന് ശശീന്ദ്രനും എത്തിയത്. 2018 ഫെബ്രുവരി 1 മുതൽ തുടർച്ചയായി മന്ത്രിയാണ് അദ്ദേഹം. ഒന്നാം പിണറായി വിജയൻ സർക്കാരിൽ 306 ദിവസം (2016 മേയ് 25 – 2017 മാർച്ച് 27 വരെ) എ കെ ശശീന്ദ്രൻ മന്ത്രിയായിരുന്നു.
ഒരു മന്ത്രിസഭയിൽനിന്നു രാജിവച്ച് അതേ മന്ത്രിസഭയിൽത്തന്നെ തിരിച്ചെത്തിയ 7 പേരിൽ ഒരാളാണ് ശശീന്ദ്രൻ. തുടർച്ചയായി 2065 ദിവസം മന്ത്രിയായ കെ ക‍ൃഷ്ണൻകുട്ടിയാണ് രണ്ടാം സ്ഥാനത്ത്.
