മൈക്രോസോഫ്റ്റ് വിൻഡോസിന് സംഭവിച്ചത് ലോകത്തിലെ ഏറ്റവും കൂടുതൽ കമ്പ്യൂട്ടറുകളെ ബാധിച്ച സാങ്കേതിക പ്രശ്നമെന്ന് റിപ്പോർട്ട്. 85 ലക്ഷം വിൻഡോസ് മെഷീനുകൾ പ്രവർത്തനരഹിതമായെന്നാണ് മൈക്രോസോഫ്റ്റ് തന്നെ വ്യക്തമാക്കുന്നത്.What happened to Microsoft Windows?
അതേസമയം, ലോകത്താകമാനമുള്ള മൈക്രോസോഫ്റ്റ് വിൻഡോസ് സിസ്റ്റങ്ങളുടെ ഒരു ശതമാനത്തിലും താഴെ മാത്രമാണ് ഈ സംഖ്യയെന്നും കമ്പനി ചൂണ്ടിക്കാട്ടി.
ക്രൗഡ്സ്ട്രൈക്കിൻറെ പ്രശ്നബാധിത അപ്ഡേറ്റാണ് സാങ്കേതിക തകരാറിന് വഴിയൊരുക്കിയതെന്ന് കമ്പനി നേരത്തേ തന്നെ വ്യക്തമാക്കിയിരുന്നു.
വിൻഡോസിൻറെയോ മൈക്രോസോഫ്റ്റിൻറെയോ ഭാഗത്തെ തെറ്റ് കൊണ്ടല്ല പ്രശ്നമുണ്ടായതെന്നും ക്രൗഡ്സ്ട്രൈക്കിൻറെ ഭാഗത്ത് നിന്നാണ് പിഴവുണ്ടായതെന്ന് മൈക്രോസോഫ്റ്റ് വൈസ് പ്രസിഡൻറ് ഡേവിഡ് വെസ്റ്റൺ വീണ്ടും വ്യക്തമാക്കി.
അതേസമയം, പ്രതിസന്ധി മുതലെടുത്ത് സൈബർ ക്രിമിനലുകൾ വ്യാജ സഹായ വെബ്സൈറ്റുകളും സോഫ്റ്റ്‍വെയറുകളും പ്രചരിപ്പിക്കുന്നുണ്ട്. ഇതിനെതിരെ ജാഗ്രത വേണമെന്ന് യുകെയിലും ഓസ്ട്രേലിയയിലെയും സർക്കാർ സൈബർ സുരക്ഷാ ഏജൻസികൾ മുന്നറിയിപ്പ് നൽകി.
