എന്നും രാവിലെ ജോലിക്ക് പോകുന്നു, വൈകിട്ട് തിരികെ വരുന്നു. മാറ്റമില്ലാതെ തുടരുന്ന ഈ ദിനചര്യ ആരെയും ബോറടിപ്പിക്കും. സ്കൂളുകളിലും വീടുകളിലും കുട്ടികൾക്ക് അമിത സമ്മർദ്ദം നൽകി വലിയ ജോലിക്കാരനും പണക്കാരനും ഒക്കെ ആക്കാൻ മാതാപിതാക്കൾ വാശി പിടിക്കുമ്പോൾ തകരുന്നത് അവരുടെ മാനസിക നില കൂടിയാണ് എന്ന് ഓർക്കാറില്ല. (Can’t live like this; The youth of this country are becoming ‘birds)
എന്നാൽ ചൈനയിലെ യുവാക്കൾ ഇപ്പോൾ ഇതിനെതിരെ തിരിഞ്ഞു നടക്കുകയാണ്. പുതിയ ട്രെൻഡ് പ്രകാരം യുവാക്കൾ പക്ഷികളെ പോലെ ജീവിക്കാനാണത്രെ ആഗ്രഹിക്കുന്നത്. നിലവിലെ ജോലികളിൽ നിന്നും പരമ്പരാഗതമായ സങ്കല്പങ്ങളിൽ നിന്നും ഒക്കെ മാറി, ചിറകു വിടർത്തി പറക്കാനാണ് തങ്ങൾക്കിഷ്ടം എന്നാണ് ഈ യുവാക്കൾ പറയുന്നത്. അതായത് ഈ സമ്മർദ്ദങ്ങളോ ഭാരം പിടിച്ച ഉത്തരവാദിത്വങ്ങളോ ഇല്ലാതെ പക്ഷികളെപ്പോലെ പാറിപ്പറന്ന് നടക്കാനാണ് യുവാക്കൾ ആഗ്രഹിക്കുന്നത് എന്നതാണ് സന്ദേശം.
വലിയ ടി ഷർട്ടുകൾക്കുള്ളിലേക്ക് ശരീരം ചുരുക്കി വച്ച് പക്ഷിയെ പോലെ രൂപമാറ്റം നടതി, വിവിധ ഫർണിച്ചറുകൾക്ക് മുകളിൽ ഇരിക്കുന്നതും മറ്റുമായ തങ്ങളുടെ ചിത്രവും വീഡിയോയും യുവാക്കൾ പോസ്റ്റ് ഇപ്പോൾ സോഷ്യൽ മീഡിയയിൽ വ്യാപകമായി പോസ്റ്റ് ചെയ്യുന്നുണ്ട്. ചിലർ പക്ഷികളെ പോലെ ശബ്ദമുണ്ടാക്കുന്നതും കാണാം. തങ്ങളുടെ മാനസിക സമ്മർദ്ദം കുറക്കുന്നതിനും പഠിക്കാനും ജോലി ചെയ്യാനുള്ള അമിതമായ സമ്മർദ്ദത്തിൽ നിന്നും സ്വാതന്ത്ര്യം നേടുക എന്ന സന്ദേശം പങ്കു വയ്ക്കുന്നതിനുമാണ് യുവാക്കൾ ഇത്തരത്തിൽ പെരുമാറുന്നത്.
‘ബീയിംഗ് എ ബേർഡ്’ ട്രെൻഡിനനുസരിച്ചുള്ള ചിത്രങ്ങളും വീഡിയോകളും പങ്കു വയ്ക്കുന്ന ലക്ഷക്കണക്കിന് യുവാക്കളാണ് ഇപ്പോൾ സോഷ്യൽ മീഡിയയിൽ ഉള്ളത്.
