കോഴിക്കോട് മാങ്കാവ് പാലം അറ്റകുറ്റപ്പണികള്ക്കായി പൂര്ണമായും അടയ്ക്കുന്നു. കോഴിക്കോട് മീഞ്ചന്ത-അരയടത്തുപാലം മിനി ബൈപാസ് റോഡിലെ മാങ്കാവ് പാലമാണ് അറ്റകുറ്റപണികള്ക്കായി ബുധനാഴ്ച രാത്രി പത്തുമണി മുതല് മൂന്ന് ദിവസത്തേക്ക് പൂര്ണമായും അടച്ചിടുന്നത്. ഇതിനെ തുടർന്ന് മൂന്ന് ദിവസത്തേക്ക് ഗതാഗത ക്രമീകരണവും ഏര്പ്പെടുത്തി.
ക്രമീകരണം ഇങ്ങനെ:
കോഴിക്കോട് നിന്നും മാങ്കാവ്-മീഞ്ചന്ത-ഫറോക്ക് ഭാഗത്തേക്ക് പോകേണ്ട മറ്റു വാഹനങ്ങള് പാളയം-കല്ലായി-മീഞ്ചന്ത വഴിയും, കോഴിക്കോട് നിന്നും രാമനാട്ടുകര ഭാഗത്തേക്ക് പോകേണ്ട മറ്റു വാഹനങ്ങള് തൊണ്ടയാട്-പന്തീരാങ്കാവ് വഴിയും പോകണം.
കോഴിക്കോട് നിന്നും രാമനാട്ടുകര വഴി സര്വീസ് നടത്തുന്ന ഹ്രസ്വദൂര ബസുകള് പാളയം-കല്ലായി-മീഞ്ചന്ത-ചെറുവണ്ണൂര് വഴി പോവണമെന്നും തിരികെ ഇതേ റൂട്ടില് തന്നെ സര്വീസ് നടത്തണം.
രാമനാട്ടുകര ഭാഗത്തുനിന്നും കോഴിക്കോട് ഭാഗത്തേക്ക് വരുന്ന ദീര്ഘദൂര ബസുകള് രാമനാട്ടുകര ബസ് സ്റ്റാന്റില് നിന്നും പന്തീരാങ്കാവ് ബി.എസ്.എന്.എല് ജംഗ്ഷന്-മാങ്കാവ് ജംഗ്ഷന്-അരയടത്തുപാലം വഴി പുതിയസ്റ്റാന്ഡില് പ്രവേശിക്കണം.
കോഴിക്കോട് നിന്നും രാമനാട്ടുകര വഴി സര്വ്വീസ് നടത്തുന്ന ദീര്ഘദൂര ബസുകള് പുതിയറ ജംഗ്ഷനില് നിന്നും ഇടത്തോട്ട് തിരിഞ്ഞ് അരയടത്തുപാലം-തൊണ്ടയാട്-പന്തീരാങ്കാവ് വഴി രാമനാട്ടുകരയില് പ്രവേശിക്കണം.
കോഴിക്കോട് സിറ്റിയുടെ വടക്കു ഭാഗത്തു നിന്നും കോഴിക്കോട് എയര്പോര്ട്ടിലേക്ക് പോകേണ്ട വാഹനങ്ങള് തൊണ്ടയാട്-മെഡിക്കല്കോളേജ്-എടവണ്ണപാറ റൂട്ട് ഉപയോഗപെടുത്തണം.
