തിരുവനന്തപുരം: സാമൂഹ്യ സുരക്ഷ, ക്ഷേമനിധി പെൻഷനുകളുടെ വിതരണം ബുധനാഴ്ച. ഒരുമാസത്തെ കുടിശിക തീർക്കാൻ 900 കോടി രൂപയാണ് ധനവകുപ്പ് അനുവദിച്ചത്. നിലവിൽ അഞ്ചുമാസത്ത കുടിശികയുണ്ട്.
തെരഞ്ഞെടുപ്പിന് തൊട്ടു മുന്പ് രണ്ടുമാസത്തെ കുടിശിക വിതരണം ചെയ്തിരുന്നു. കടുത്ത സാമ്പത്തിക പ്രതിസന്ധിയിലൂടെ കടന്നുപോകുന്നതാണ് ക്ഷേമ പെന്ഷന് വിതരണം വൈകുന്നതെന്നാണ് സര്ക്കാരിന്റെ വാദം. സംസ്ഥാനത്തിന് 18,253 കോടി രൂപ കടമെടുക്കാന് കഴിഞ്ഞ ദിവസം കേന്ദ്രം അനുമതി നല്കിയിരുന്നു.
ബാങ്ക് അക്കൗണ്ട് നമ്പർ നൽകിയിട്ടുള്ളവർക്ക് അക്കൗണ്ട് വഴിയും, മറ്റുള്ളവർക്ക് സഹകരണ സംഘങ്ങൾ വഴി നേരിട്ടു വീട്ടിലും പെൻഷൻ എത്തിക്കും. 62 ലക്ഷം ക്ഷേമ പെൻഷൻ ഗുണഭോക്താക്കളിൽ മസ്റ്ററിങ് നടത്തിയ മുഴുവൻ പേർക്കും തുക ലഭിക്കുമെന്ന് ധനമന്ത്രി അറിയിച്ചു.
