ബെംഗളൂരു: സ്കൂട്ടറിന് സൈഡ് നൽകിയില്ലെന്ന് ആരോപിച്ച് കാറിൽ സഞ്ചരിച്ച മലയാളി കുടുംബത്തിനു നേരെ ആക്രമണം. വെള്ളിയാഴ്ച രാവിലെ സർജാപുര റോഡിലെ സെന്റ് പാട്രിക്സ് അക്കാദമിക്ക് സമീപത്തു വെച്ചാണ് സംഭവം നടന്നത്. തൃശൂർ പഴയന്നൂർ സ്വദേശിയും കൊടത്തി സി.കെ. ലേഔട്ടിൽ താമസിക്കുന്ന അഖിൽ സാബുവിനും കുടുംബത്തിനും നേരെയായിരുന്നു ആക്രമണം ഉണ്ടായത്.

ഹോണടിച്ചിട്ടും സൈഡ് നൽകിയില്ലെന്ന് പറഞ്ഞ് സ്കൂട്ടർ യാത്രക്കാരനായ ഡൊമ്മസന്ദ്ര സ്വദേശി ജഗദീഷ് കാർ തടയുകയായിരുന്നു. തുടർന്ന് ഹെൽമറ്റ് കൊണ്ട് കാറിന്റെ വശങ്ങളിലെ ഗ്ലാസ് അടിച്ചുപൊട്ടിച്ചു. ചില്ല് തെറിച്ച് അഖിലിനും ഭാര്യയ്ക്കും 3 വയസ്സുള്ള മകൾക്കും പരിക്കേറ്റിട്ടുണ്ട്.

ആശുപത്രിയില്‍ ചികിത്സ തേടിയ അഖിൽ ‍ജഗദീഷിനെതിരെ സിസിടിവി ദൃശ്യങ്ങൾ ഉൾപ്പെടെ വർത്തൂർ പൊലീസിൽ പരാതി നൽകി. തന്നെ മർദ്ദിച്ചെന്നാരോപിച്ച് ജഗദീഷ് നൽകിയ പരാതിയിൽ അഖിലിനെതിരെയും പോലീസ് കേസെടുത്തു.

Read Also: കർഷികർക്ക് തിരിച്ചടിയായി കൊക്കോ, കാപ്പി വിലകൾ കൂപ്പുകുത്തി; അവസാന പ്രതീക്ഷയും തകർന്ന് കർഷകർ

Read Also: തെക്കൻ കേരളത്തിന് മുകളിൽ ചക്രവാതചുഴി എത്തി ! അടുത്ത അഞ്ചു ദിവസം ഈ ജില്ലകളിൽ കിടിലൻ മഴ പെയ്യും; മിന്നൽ ജാഗ്രത വേണം

Read Also: നഴ്സിംഗ് പ്രവേശന പ്രതിസന്ധി പ്രതിസന്ധി നീങ്ങി; ആരോഗ്യമന്ത്രി വിളിച്ച യോഗത്തിൽ സമവായം