ശക്തമായ മഴയിലും കാറ്റിലും മുങ്ങി യുഎഇ. ഇന്നലെ രാത്രി മുതൽ ആരംഭിച്ച മഴയിൽ അബുദാബി മുതൽ ദുബായ് ഷാർജ അജ്മാൻ റാസൽഖൈമ പ്രദേശങ്ങളിൽ നേരിയ തോതിൽ വെള്ളക്കെട്ട് ഉണ്ടായി. കാലാവസ്ഥ മുന്നറിയിപ്പിനെ തുടർന്ന് രാജ്യത്ത് ജാഗ്രത നിർദ്ദേശം പുറപ്പെടുവിച്ചു. എമിറേറ്റുകളിൽ ഇന്നും നാളെയും സ്കൂളുകളിൽ പഠനം ഓൺലൈൻ വഴിയാക്കി. ജീവനക്കാർക്ക് വർക്ക് ഫ്രം ഹോം അനുമതി നൽകിയിട്ടുണ്ട്. ഫുജൈറ ഖൽബ തുടങ്ങിയ കിഴക്കൻ മേഖലകളിലും മഴ മുന്നറിയിപ്പുണ്ട്. രാജ്യത്തെ മിക്ക എമിറേറ്റുകളിലും വൈകുന്നേരം വരെ കാറ്റിനും മഴയ്ക്കും സാധ്യതയുണ്ടെന്ന് മുന്നറിയിപ്പ് നൽകിയിട്ടുണ്ട്.
