മൂവാറ്റുപുഴയാറിൽ കുളിക്കാനിറങ്ങിയ അമ്മൂമ്മയും പേരകുട്ടികളും ഒഴുക്കിൽപെട്ടു; രണ്ടുപേർ മുങ്ങി മരിച്ചു; ഒരാളുടെ നില ഗുരുതരം

കൊച്ചി : മൂവാറ്റുപുഴയാറിൽ കുളിക്കാനിറങ്ങിയ അമ്മൂമ്മയും പേരകുട്ടിയും മുങ്ങി മരിച്ചു. രണ്ടാർ കര കിഴക്കേ കുടിയിൽ ആമിനയും ഇവരുടെ പേരക്കുട്ടി ഫർഹാ ഫാത്തിമയുമാണ് മരിച്ചത്. രണ്ടാർ കരയിലെ നെടിയൻകാല കടവിലാണ് അപകടമുണ്ടായത്. പേരകുട്ടികൾക്കൊപ്പം കുളിക്കുന്നതിനിടെ രണ്ട് കുട്ടികൾ പുഴയിൽ മുങ്ങിപ്പോകുകയായിരുന്നു. ഇവരെ രക്ഷിക്കാൻ ശ്രമിക്കുന്നതിനിടെയാണ് ആമിനയും അപകടത്തിൽപ്പെട്ടത്. കുട്ടികളിൽ ഒരാളുടെ നില ഗുരുതരമാണ്.