പാലക്കാട്: തെരഞ്ഞെടുപ്പ് പ്രചാരണത്തിനിടെ കോൺഗ്രസ് പ്രവര്ത്തകന് സൂര്യാഘാതമേറ്റു. പാലക്കാട് ശ്രീകൃഷ്ണപുരത്താണ് സംഭവം. വലമ്പിലിമംഗലം ഇളവുങ്കൽ വീട്ടിൽ തോമസ് അബ്രഹാം(55)നാണ് സൂര്യാഘാതമേറ്റത്. വലമ്പിലിമംഗലം മുപ്പാതാം നമ്പർ ബൂത്തിൽ വീടുകയറിയുളള പ്രചാരണത്തിനിടെയാണ് സൂര്യാഘാതമേറ്റത്.
തോമസ് അബ്രഹാമിനു മുതുകിലും നെഞ്ചിലും പരിക്കേറ്റിട്ടുണ്ട്. തുടര്ന്ന് ഇദ്ദേഹത്തെ ശ്രീകൃഷ്ണപുരം സര്ക്കാര് ആശുപത്രിയിൽ പ്രവേശിപ്പിച്ചു. നിലവിൽ വീട്ടിൽ വിശ്രമത്തിൽ കഴിയുകയാണ് കോൺഗ്രസ് പ്രവർത്തകൻ.
