കൊച്ചി: പെരുമ്പാവൂർ സിഗ്നൽ ജംഗ്ഷനിൽ വീണ്ടും വാഹനാപകടം. ടിപ്പർലോറികയറി കാൽനട യാത്രക്കാരി മരിച്ചു. ആളെ തിരിച്ചറിഞ്ഞിട്ടില്ല. പച്ചക്കറി വാങ്ങിയശേഷം റോഡ് മുറിച്ച് കടക്കുമ്പോൾ വൺവേ തെറ്റിച്ചെത്തിയ ടിപ്പർ പുറകോട്ട് എടുക്കുമ്പോഴാണ് അപകടമുണ്ടായത്.

ടോറസ് ഇവരുടെ ദേഹത്തുകൂടി കയറി ഇറങ്ങി. പെരുമ്പാവൂർ പോലീസും ഫയർഫോഴ്സും സ്ഥലത്തെത്തി മൃതദേഹം താലൂക്ക് ആശുപത്രി മോർച്ചറിയിലേക്ക് മാറ്റി. അപകടത്തെ തുടർന്ന് പ്രദേശത്ത് ഗതാഗത തടസ്സവും അനുഭവപ്പെട്ടു. കഴിഞ്ഞദിവസം കോളേജിൽനിന്ന് ടൂർ പോയ ബസ്സും, ചരക്ക് ലോറിയും തമ്മിൽ ഇടിച്ച് അപകടം ഉണ്ടായതും ഇവിടെയാണ്.