2007-ൽ ശാസ്ത്രജ്ഞർ കണ്ടെത്തിയ 54 ദശലക്ഷം ടൺ ഭാരമുള്ള ഛിന്നഗ്രഹം 2024 ൽ ഭൂമിയിൽ പതിക്കുമോ എന്ന അആശങ്കകൾക്ക് ഒടുവിൽ വിരാമമായി. അടുത്ത നൂറ്റാണ്ടിൽ ഒരു സമയത്തും ഭൂമിയിൽ അറിയപ്പെടുന്ന ഛിന്നഗ്രഹ ആഘാത ഭീഷണികളൊന്നുമില്ല എന്ന് നാസ അറിയിച്ചു. റിപ്പോർട്ട് അനുസരിച്ച്, ഛിന്നഗ്രഹം 2030 മാർച്ച് 3 ന് 10 ദശലക്ഷത്തിൽ 1 ഉം 2024 ഒക്ടോബർ 5 ന് 11.5 ദശലക്ഷത്തിൽ 1 ഉം ആയിരുന്നു ഭൂമിയിലേക്ക് പതിക്കാനുള്ള സാധ്യത.
2007-ൽ ആണ് ശാസ്ത്രജ്ഞർ ആദ്യമായി 984 അടി നീളമുള്ള ഛിന്നഗ്രഹത്തെ കണ്ടെത്തിയത്.പിന്നീട് അതിന്റെ ട്രാക്ക് നഷ്ടപ്പെടുകയും അതിനെ “നഷ്ടപ്പെട്ട ഛിന്നഗ്രഹം” എന്ന് തരംതിരിക്കുകയും ചെയ്തു. എന്നാൽ, ട്രാക്ക് നഷ്ടപ്പെടുന്നതിന് മുമ്പ് ശാസ്ത്രജ്ഞർക്ക് ഛിന്നഗ്രഹത്തെക്കുറിച്ചുള്ള വിവരങ്ങൾ ശേഖരിക്കാൻ കഴിഞ്ഞു. ഗവേഷകർ അതിന്റെ ഭ്രമണപഥം കണക്കാക്കുകയും ഭൂമിയുമായുള്ള കൂട്ടിയിടിയെക്കുറിച്ച് പഠിക്കുകയും ചെയ്തു. ഭൂമിയെ ബാധിക്കാൻ സാധ്യതയുള്ള വസ്തുക്കളുടെ നാസയുടെ സെൻട്രി റിസ്ക് ടേബിളിൽ ഈ ഛിന്നഗ്രഹം ഇടംനേടി. നാസയുടെ സെന്റർ ഫോർ നിയർ എർത്ത് ഒബ്ജക്റ്റ് സ്റ്റഡീസ് 2007 FT3 ഭൂമിയിൽ ഉണ്ടാക്കാൻ സാധ്യതയുള്ള 89 ആഘാതങ്ങളും തിരിച്ചറിഞ്ഞിട്ടുണ്ട്, അതിലൊന്ന് 2024 ഒക്ടോബർ 5 നാണ്. ഛിന്നഗ്രഹം ഭൂമിയോട് ഏറ്റവും അടുത്തെത്തിയപ്പോൾ ആഘാതമുണ്ടാകാൻ സാധ്യതയുള്ള ഒരു പോയിന്റ് 2019 ൽ കടന്നുപോയതിനാൽ വിഷമിക്കേണ്ട കാര്യമില്ലെന്ന് ബഹിരാകാശ ഏജൻസി വ്യക്തമാക്കി.
ഭൂമിയുടെ ഭ്രമണപഥത്തിൽ നിന്ന് 30 ദശലക്ഷം മൈലിനുള്ളിൽ വരുന്ന ഛിന്നഗ്രഹങ്ങളെ പഠിച്ച് അവ അടുത്തുവരുന്ന സമയങ്ങൾ ശാസ്ത്രജ്ഞർ പഠനവിധേയമാക്കിയിട്ടുണ്ട്.
