പാർലമെന്റിൽ വീണ്ടും ആക്രമണം. ലോക്സഭ നടന്ന് കൊണ്ടിരിക്കെ സന്ദർശക​ഗാലറിയിൽ നിന്നും എം.പിമാർക്കിടയിലേയ്ക്ക് ചാടി രണ്ട് പേർ. കൈയ്യിൽ ആയുധമെന്ന് സംശയം.

ദില്ലി : ഉച്ചയ്ക്ക് ഒരു മണിയ്ക്കാണ് പാർലമെന്റിനെ ഞെട്ടിച്ച് കൊണ്ട് രണ്ട് പേർ ആയുധങ്ങളുമായി സഭയ്ക്ക് അകത്ത് കടന്നു. ലോക്സഭ നടന്ന് കൊണ്ടിരിക്കെ രണ്ട് പേർ സന്ദർശക ​ഗാലറിയിൽ നിന്നും എം.പിമാർക്കിടയിൽ എടുത്ത് ചാടി. കൈയ്യിലുണ്ടായിരുന്ന ആയുധത്തിൽ നിന്നും മഞ്ഞ പുക വർഷിക്കുന്നുണ്ടായിരുന്നുവെന്ന് എം.പിമാർ‌ പറഞ്ഞു. സുരക്ഷാ ഉദ്യോ​ഗസ്ഥർക്ക് പിടി കൊടുക്കാതെ സഭയിലെ മേശയ്ക്ക് മുകളിലൂടെ ചാടി കടന്നവർ സ്പീക്കറുടെ മേശയ്ക്ക് നേരെ പാഞ്ഞടുക്കാനാണ് ശ്രമിച്ചത്. സഭ നടപടികൾ ലൈവായി സംപ്രേക്ഷണം ചെയ്തിരുന്ന സസ്ദ് ടിവിയിൽ ചിത്രങ്ങൾ പതിഞ്ഞു. മധ്യപ്രദേശിൽ നിന്നുള്ള ബിജെപി ഖ​ഗേൻ മുർമു എം.പി സംസാരിച്ച് കൊണ്ടിരിക്കെ ആയിരുന്നു ആക്രമണം. അക്രമിയെ പിടികൂടി. കൂടുതൽ വിവരങ്ങൾ ലഭ്യമല്ല. ലോക്സഭ നടപടികൾ നിറുത്തി വച്ചു.