‘പൊലീസാണ്’ എന്ന് പറഞ്ഞ് കാർ നിർത്തിച്ചു; പ്രവാസിയുടെ പണം കവർന്ന് പ്രതി ഒളിവിൽ

‘പൊലീസാണ്’ എന്ന് പറഞ്ഞ് കാർ നിർത്തിച്ചു; പ്രവാസിയുടെ പണം കവർന്ന് പ്രതി ഒളിവിൽ

കുവൈത്ത് സിറ്റി: കുവൈത്തിലെ ഹവല്ലിയിൽ സിറിയൻ പ്രവാസിയെ ലക്ഷ്യമാക്കി വ്യാജ പൊലീസ് തട്ടിപ്പ്.

പൊലീസുകാരനാണെന്ന് തെറ്റിദ്ധരിപ്പിച്ച്, വാഹനം പരിശോധിക്കണമെന്ന് പറഞ്ഞ് 340 കുവൈത്ത് ദിനാർ തട്ടിയെടുത്ത് പ്രതി കടന്നുകളഞ്ഞു.

1987-ൽ ജനിച്ച സിറിയൻ സ്വദേശിയാണ് ആസൂത്രിത തട്ടിപ്പിന് ഇരയായത്.

4 മാസം ഗർഭിണിയായ SWAT കമാൻഡോയെ ഭർത്താവ് ഡംബൽ കൊണ്ട് കൊലപ്പെടുത്തി; ഡൽഹിയിൽ ഞെട്ടിക്കുന്ന സംഭവം

ലഹരിമരുന്ന് ആരോപിച്ച് പരിശോധന

റോഡരികിൽ വാഹനം നിർത്തിച്ച പ്രതി, താൻ പൊലീസുകാരനാണെന്ന് പറഞ്ഞ് തിരിച്ചറിയൽ രേഖകൾ ആവശ്യപ്പെട്ടു.

തുടർന്ന് ലഹരിമരുന്ന് കൈവശമുണ്ടെന്നാരോപിച്ച് കാറിൽ പരിശോധന നടത്തി.

ഈ അവസരം മുതലെടുത്ത് കാറിലുണ്ടായിരുന്ന പണം കൈക്കലാക്കി ഒരു പിക്കപ്പ് വാനിൽ വേഗത്തിൽ രക്ഷപ്പെടുകയായിരുന്നു.

വ്യാജമോ മോഷ്ടിച്ചതോ ആയ നമ്പർ പ്ലേറ്റുള്ള വാഹനമാണ് പ്രതി ഉപയോഗിച്ചതെന്നാണ് പ്രാഥമിക നിഗമനം.

അന്വേഷണം പുരോഗമിക്കുന്നു

സംഭവത്തിന് പിന്നാലെ അൽ-ഷാബ് പൊലീസ് സ്റ്റേഷനിൽ പരാതി നൽകി. മോഷണം, ഉദ്യോഗസ്ഥ വേഷം ചമഞ്ഞ് തട്ടിപ്പ് നടത്തൽ എന്നീ കുറ്റങ്ങൾ ചുമത്തി കേസ് രജിസ്റ്റർ ചെയ്തു.

സിവിൽ ഇൻവെസ്റ്റിഗേഷൻ വിഭാഗവും ട്രാഫിക് വിഭാഗവും ചേർന്ന് പ്രതിക്കായി തിരച്ചിൽ ആരംഭിച്ചിട്ടുണ്ട്.

നഗരത്തിലെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം പുരോഗമിക്കുന്നത്.

പൊതുജനങ്ങൾക്ക് മുന്നറിയിപ്പ്

ഇത്തരത്തിലുള്ള തട്ടിപ്പുകൾ വർധിക്കുന്ന സാഹചര്യത്തിൽ അധികൃതർ ജാഗ്രതാ നിർദ്ദേശം നൽകി.

സിവിൽ വസ്ത്രത്തിൽ എത്തുന്നവർ പൊലീസാണെന്ന് അവകാശപ്പെട്ടാൽ നിർബന്ധമായും ഔദ്യോഗിക ഐഡി പരിശോധിക്കണം.

സംശയം തോന്നിയാൽ ഉടൻ തന്നെ മിനിസ്ട്രി ഓഫ് ഇന്റീരിയറിന്റെ 112 എമർജൻസി നമ്പറിൽ ബന്ധപ്പെടണമെന്നും അധികൃതർ ഓർമ്മിപ്പിച്ചു.

English Summary:

A Syrian expatriate in Hawally, Kuwait, lost 340 Kuwaiti dinars after a man posing as a police officer stopped his car and claimed to conduct a vehicle inspection. The suspect accused the victim of possessing drugs, searched the vehicle, and fled with the cash in a pickup truck. Police have registered a case for impersonation and theft, and a joint investigation is underway using CCTV footage. Authorities have urged the public—especially expatriates—to verify official IDs and call emergency services if they suspect fraud.