കെഎസ്ആർടിസി ബസ് പെട്രോൾ ടാങ്കറിലേക്ക് ഇടിച്ചുകയറി; എംസി റോഡിൽ ഗുരുതര അപകടം
കൊല്ലം: കൊല്ലം എംസി റോഡിൽ കെഎസ്ആർടിസി ബസും പെട്രോൾ ടാങ്കർ ലോറിയും കൂട്ടിയിടിച്ച് ഗുരുതര അപകടം.
വാളകം ആയൂർ വയ്ക്കൽ ക്ഷേത്രത്തിന് മുന്നിലാണ് സംഭവം. അപകടത്തിൽ നിരവധി പേർക്ക് പരിക്കേറ്റു.
വേദന ഇടത് വശത്ത്, പരിശോധന വലത് നെഞ്ചിൽ; ചികിത്സാപ്പിഴവ് കാരണം യുവാവ് ഗുരുതരാവസ്ഥയിൽ
മറികടക്കാൻ ശ്രമിക്കുന്നതിനിടെ ഇടിച്ചുകയറി
കോട്ടയത്തേക്ക് പോവുകയായിരുന്ന കെഎസ്ആർടിസി ബസ് മുന്നിലുണ്ടായിരുന്ന മറ്റൊരു കെഎസ്ആർടിസി ബസിനെ മറികടക്കാൻ ശ്രമിക്കുന്നതിനിടെയാണ് എതിർദിശയിൽ എത്തിയ ടാങ്കർ ലോറിയിലേക്ക് ഇടിച്ചുകയറിയത്.
ഇടിയുടെ ആഘാതത്തിൽ ബസിന്റെ മുൻഭാഗം പൂർണ്ണമായും തകർന്നു.
വെട്ടിപ്പൊളിച്ച് രക്ഷാപ്രവർത്തനം
അപകടത്തിൽ കുടുങ്ങിയ ഡ്രൈവർമാരെയും യാത്രക്കാരെയും വാഹനം വെട്ടിപ്പൊളിച്ചാണ് പുറത്തെടുത്തത്.
നാട്ടുകാരും ഫയർഫോഴ്സ് സംഘവും ചേർന്നാണ് രക്ഷാപ്രവർത്തനം നടത്തിയത്.
ഗുരുതര പരിക്കേറ്റവർ മെഡിക്കൽ കോളേജിൽ
കെഎസ്ആർടിസി ബസിലെയും ടാങ്കർ ലോറിയിലെയും ഡ്രൈവർമാർക്ക് ഗുരുതര പരിക്കേറ്റു.
ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
മറ്റ് യാത്രക്കാരെ കൊട്ടാരക്കര താലൂക്ക് ആശുപത്രിയിൽ ചികിത്സയ്ക്കായി മാറ്റി.
ഗതാഗതം തടസ്സപ്പെട്ടു
അപകടത്തെ തുടർന്ന് എംസി റോഡിൽ ഏറെ നേരം ഗതാഗതം തടസ്സപ്പെട്ടു.
പൊലീസ് സ്ഥലത്തെത്തി ഗതാഗതം നിയന്ത്രിക്കുകയും തുടർനടപടികൾ ആരംഭിക്കുകയും ചെയ്തു.
English Summary:
A major accident occurred on MC Road in Kollam when a KSRTC bus, while attempting to overtake another bus, crashed head-on into a petrol tanker near Vayakkal Temple at Valakam. As a result, several passengers suffered injuries, and the front portion of the bus was completely crushed. Immediately, local residents and fire and rescue teams rushed to the spot and carried out rescue operations by cutting open the vehicles. Meanwhile, authorities shifted the seriously injured drivers to Thiruvananthapuram Medical College Hospital and admitted other passengers to Kottarakkara Taluk Hospital. Consequently, traffic on MC Road remained disrupted for a considerable time after the accident.
