വേദന ഇടത് വശത്ത്, പരിശോധന വലത് നെഞ്ചിൽ; ചികിത്സാപ്പിഴവ് കാരണം യുവാവ് ഗുരുതരാവസ്ഥയിൽ

വേദന ഇടത് വശത്ത്, പരിശോധന വലത് നെഞ്ചിൽ; ചികിത്സാപ്പിഴവ് കാരണം യുവാവ് ഗുരുതരാവസ്ഥയി

അമ്പലപ്പുഴ: പായൽക്കുളങ്ങരയിൽ വാഹനാപകടത്തിൽ പരിക്കേറ്റ യുവാവിന് ആലപ്പുഴ മെഡിക്കൽ കോളജ് ആശുപത്രിയിൽ ചികിത്സാപ്പിഴവ് ഉണ്ടായതായി പരാതി.

ബൈക്കിൽ സഞ്ചരിക്കുകയായിരുന്ന യുവാവിനെ കാറിടിച്ചതിനെ തുടർന്ന് നെഞ്ചിനും കാലിനും പരിക്കേറ്റു.

നാട്ടുകാർ ഉടൻ യുവാവിനെ മെഡിക്കൽ കോളജ് ആശുപത്രിയിൽ എത്തിക്കുകയായിരുന്നു.

ഒരു കോടിയുടെ നഷ്ടം; കുമ്പളങ്ങിയിൽ 200 ഏക്കർ പാടശേഖരങ്ങളിൽ മീനുകൾ കൂട്ടത്തോടെ ചത്തു പൊങ്ങി

വേദന പറഞ്ഞത് ഇടത് നെഞ്ചിൽ

ആശുപത്രിയിൽ എത്തിച്ച യുവാവ് ഇടത് നെഞ്ചിൽ ശക്തമായ വേദനയുണ്ടെന്ന് ഡോക്ടറെ അറിയിച്ചിരുന്നു.

ഇതിന്റെ അടിസ്ഥാനത്തിൽ നെഞ്ചിന്റെ എക്‌സ്‌റേ എടുക്കാൻ ഡോക്ടർ നിർദേശം നൽകി.

എന്നാൽ, എക്‌സ്‌റേ എടുത്തത് ഇടത് ഭാഗത്തിന് പകരം വലത് നെഞ്ചിന്റേതായിരുന്നുവെന്നാണ് ആരോപണം.

‘കുഴപ്പമില്ല’ എന്ന റിപ്പോർട്ട്

വലത് നെഞ്ചിന്റെ എക്‌സ്‌റേ പരിശോധിച്ച ശേഷം കുഴപ്പമൊന്നുമില്ലെന്ന് ഡോക്ടർ അറിയിച്ചതോടെ യുവാവിനെ തിരികെ വിട്ടു.

സ്വകാര്യ ആശുപത്രിയിൽ കണ്ടെത്തിയ പിഴവ്

വേദന അസഹനീയമായതിനെ തുടർന്ന് യുവാവിനെ തിരുവല്ലയിലെ സ്വകാര്യ ആശുപത്രിയിലേക്ക് മാറ്റി.

ഇവിടെ നടത്തിയ പരിശോധനയിലാണ് മെഡിക്കൽ കോളജിൽ എടുത്ത എക്‌സ്‌റേ തെറ്റായ ഭാഗത്തേതാണെന്ന് കണ്ടെത്തിയത്.

വിശദമായ പരിശോധനയിൽ ഇടത് നെഞ്ചിൽ നീർക്കെട്ട് ഉണ്ടായിരുന്നതായും സ്ഥിരീകരിച്ചു.

അടിയന്തര ശസ്ത്രക്രിയ

അതേസമയം, അപകടത്തിൽ കാലിന് ഗുരുതര പരിക്കേറ്റ യുവാവിനെ അടിയന്തര ശസ്ത്രക്രിയയ്ക്ക് വിധേയനാക്കി.

English Summary:

A youth injured in a road accident has alleged medical negligence at Alappuzha Medical College Hospital after doctors reportedly took an X-ray of his right chest despite his complaint of pain on the left side. He was discharged after being told there was no issue, but persistent pain forced his family to shift him to a private hospital in Thiruvalla. Further examination there revealed swelling on the left chest and confirmed that the earlier X-ray had been taken on the wrong side. The youth later underwent emergency surgery for serious leg injuries.