കുറത്തി കോഴി കഴിക്കാൻ പതിരാത്രിക്ക് എത്തിയ സൂപ്പർതാരം; അമ്പരന്ന് ഹോട്ടൽ ജീവനക്കാർ
രുചിവിസ്മയത്തിലൂടെ ലോകം കീഴടക്കിയ ബ്രാൻഡാണ് പാരഗൺ. ലോകപ്രശസ്തമായ കോഴിക്കോടൻ ബിരിയാണിക്ക് തിലകക്കുറിപോലെ നിലകൊള്ളുന്ന ഈ ഹോട്ടൽ, ബിരിയാണിക്ക് പുറമെ അനവധി നാവിൽ വെള്ളമൂറുന്ന വിഭവങ്ങൾക്കും പേരുകേട്ടതാണ്.
ഇപ്പോഴിതാ, ദുബായിലെ പാരഗണിൽ ഭക്ഷണം ആസ്വദിക്കാനായി തെന്നിന്ത്യൻ സൂപ്പർതാരം നയൻതാര എത്തിയത് ഹോട്ടൽ ജീവനക്കാരെയും മാനേജ്മെന്റിനെയും അത്ഭുതപ്പെടുത്തി.
യാതൊരു മുൻകൂട്ടി അറിയിപ്പുമില്ലാതെയാണ് നയൻതാര എത്തിയതെന്ന് പാരഗൺ മാനേജർ വ്യക്തമാക്കി.
കഴിഞ്ഞ ഞായറാഴ്ച രാത്രി 12 മണിയോടെയാണ് നയൻതാരയും ഭർത്താവ് വിഘ്നേഷ് ശിവനും ദുബായ് പാരഗണിലെത്തിയത്. ബിരിയാണി കഴിക്കാനായിരുന്നു താരത്തിന്റെ ആഗ്രഹം.
എന്നാൽ സമയം ഏറെ വൈകിയതിനാൽ ബിരിയാണി ലഭ്യമായിരുന്നില്ല.
തുടർന്ന് ഹോട്ടലിന്റെ സിഗ്നേചർ വിഭവങ്ങളായ തൈക്കുടം ഗ്രിൽഡ് ചിക്കൻ, പ്രോൺ സിആർസ്, കുറത്തി കോഴി, നെയ്മീൻ ചട്ടിക്കറി, ഫിഷ് ഗ്രാൻമാ തവ, പൊറോട്ട, അപ്പം, തേങ്ങാ ചോറ്, ഇളനീർ പായസം എന്നിവയാണ് നയൻതാര കഴിച്ചത്.
എല്ലാ വിഭവങ്ങൾക്കും ഹോംലി സ്വാദുണ്ടായിരുന്നുവെന്നും, പ്രത്യേകിച്ച് മീൻകറി ഏറെ ഇഷ്ടമായെന്നും താരം അഭിപ്രായപ്പെട്ടതായി ദുബായ് പാരഗൺ മാനേജർ ശങ്കർ പറഞ്ഞു.
പാരഗണിലെ ഭക്ഷണം ലോകമെമ്പാടും പ്രശസ്തമാണ്. ഒരിക്കലെങ്കിലും രുചിച്ചറിയേണ്ട കേരളത്തിലെ അപൂർവ ഹോട്ടലുകളിൽ ഒന്നായാണ് പാരഗണിനെ വിലയിരുത്തുന്നത്.
കേരളം, ബംഗളൂരു, ഗൾഫ് മേഖലകൾ എന്നിവിടങ്ങളിലായി പാരഗൺ, സൽക്കാര, എംഗ്രിൽ, ബ്രൗൺടൗൺ കഫേ എന്നീ ബ്രാൻഡുകളിലായി 25 റെസ്റ്റോറന്റുകളാണ് നിലവിൽ പ്രവർത്തിക്കുന്നത്.
English Summary
Paragon, the world-famous restaurant brand known for Kozhikode biryani, witnessed a surprise visit from South Indian superstar Nayanthara at its Dubai outlet. She arrived late at night with her husband Vignesh Shivan to enjoy biryani, which was unavailable due to the late hour. Instead, she sampled several signature dishes and praised their homely taste, especially the fish curry. Paragon currently operates 25 outlets across Kerala, Bengaluru, and the Gulf region.
nayanthara-dubai-paragon-restaurant-visit
Nayanthara, Paragon Restaurant, Kozhikode Biryani, Dubai News, Celebrity Visit, South Indian Cinema, Food Stories, Kerala Cuisine
