‘എന്റെ ഡാർലിങ് സ്ത്രീത്വത്തിലേക്ക്’ – മകൾ ഋതുമതിയായ സന്തോഷം പങ്കുവച്ച് അഞ്ജലി നായർ

‘എന്റെ ഡാർലിങ് സ്ത്രീത്വത്തിലേക്ക്’ – മകൾ ഋതുമതിയായ സന്തോഷം പങ്കുവച്ച് അഞ്ജലി നായർ

മലയാളികളുടെ പ്രിയതാരമായ അഞ്ജലി നായർ പങ്കുവച്ച പുതിയ പോസ്റ്റാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. മൂത്ത മകൾ ആവണി ഋതുമതിയായ സന്തോഷം ആഘോഷമാക്കി മാറ്റിയിരിക്കുകയാണ് അഞ്ജലിയും കുടുംബവും.

മകളുടെ ജീവിതത്തിലെ ഈ സുപ്രധാന ഘട്ടം ഏറെ അഭിമാനത്തോടെയും സന്തോഷത്തോടെയുമാണ് അഞ്ജലി ആരാധകരുമായി പങ്കുവച്ചത്.

‘എന്റെ ഡാർലിങ് സ്ത്രീത്വത്തിലേക്ക് കാലെടുത്തുവച്ചിരിക്കുന്നു’ എന്ന അടിക്കുറിപ്പോടെയാണ് ആവണിയുടെ ഋതുമതി ചടങ്ങിന്റെ വീഡിയോ അഞ്ജലി പങ്കുവച്ചത്.

ബാലതാരമായി മലയാളത്തിലും അന്യഭാഷകളിലും തിളങ്ങിയ ആവണി, അഞ്ജലിയുടെ മൂത്ത മകളാണ്. സെറ്റും മുണ്ടും അണിഞ്ഞ്, വട്ടപ്പൊട്ടും മാലയുമണിഞ്ഞ് ചടങ്ങിൽ ആവണി അതീവ സുന്ദരിയായി പ്രത്യക്ഷപ്പെട്ടു.

അടുത്ത ബന്ധുക്കളും സുഹൃത്തുക്കളുമാണ് ചടങ്ങിൽ പങ്കെടുക്കാൻ എത്തിയത്. അനുഗ്രഹങ്ങളും സമ്മാനങ്ങളും നൽകി എല്ലാവരും ആവണിയെ സ്നേഹത്തോടെ മൂടി.

ആവണിയുടെ ഋതുമതി ചടങ്ങ് വിശേഷങ്ങൾ പങ്കുവച്ചതോടെ നിരവധി പേരാണ് അഞ്ജലിയെയും മകളെയും ആശംസിച്ച് രംഗത്തെത്തിയത്.

ഒരുകാലത്ത് മകൾ ഋതുമതിയായ വിവരം പരസ്യമായി പറയാൻ മലയാളികൾക്ക് നാണക്കേടായി തോന്നിയിരുന്നുവെന്നും, എന്നാൽ സോഷ്യൽ മീഡിയയുടെ വരവോടെ ആ ചിന്താഗതികളിൽ മാറ്റം വന്നത് സന്തോഷകരമാണെന്നുമാണ് പലരുടെയും പ്രതികരണം.

‘ഫീനിക്സ്’, ‘അജയന്റെ രണ്ടാം മോഷണം’, സൂര്യ നായകനായ ‘റെട്രോ’ തുടങ്ങിയ സിനിമകളിലൂടെ ആവണി ഇതിനകം ശ്രദ്ധേയയായിട്ടുണ്ട്.

ഋതുമതി ചടങ്ങ് പെൺകുട്ടിക്ക് ആർത്തവാരംഭം സംഭവിക്കുമ്പോൾ നടത്തുന്ന ഒരു പ്രധാന ആചാരമാണ്. മുമ്പ് ഹൈന്ദവ വീടുകളിൽ മാത്രം കണ്ടിരുന്ന ഈ ചടങ്ങ്, ഇന്ന് ജാതിമതഭേദമന്യേ പല കുടുംബങ്ങളും നടത്താറുണ്ട്.

ബാല്യത്തിൽ നിന്ന് കൗമാരത്തിലേക്കുള്ള പെൺകുട്ടിയുടെ യാത്രയെ അടയാളപ്പെടുത്തുന്നതാണ് ഈ ചടങ്ങ്. ചിലയിടങ്ങളിൽ ഇതിനെ തിരണ്ടുകല്യാണം എന്നും വിളിക്കുന്നു.

മഞ്ഞൾവെള്ളത്തിൽ കുളിപ്പിക്കൽ, ഹാഫ് സാരി സമ്മാനിക്കൽ, പ്രത്യേക വിഭവങ്ങൾ നൽകൽ, ബന്ധുക്കൾ അനുഗ്രഹങ്ങൾ ചൊരിയൽ തുടങ്ങിയവയാണ് ചടങ്ങിന്റെ ഭാഗങ്ങൾ.

ശരീരത്തിൽ ഉണ്ടാകുന്ന മാറ്റങ്ങളെക്കുറിച്ചുള്ള ആശയക്കുഴപ്പങ്ങൾ അകറ്റാനും പെൺകുട്ടിയെ മാനസികമായി തയ്യാറാക്കാനും ഇത്തരം ചടങ്ങുകൾ സഹായകമാകാറുണ്ട്.

English Summary:

Actress Anjali Nair shared a heartfelt post celebrating her elder daughter Avani’s puberty ceremony. The event was marked as a joyful family occasion, drawing appreciation from social media users for openly embracing and celebrating an important milestone in a girl’s life.

anjali-nair-daughter-avani-puberty-ceremony-viral

Anjali Nair, Avani, Puberty Ceremony, Rithumathi, Malayalam Cinema, Celebrity News, Social Media Viral