പാലക്കാട് പ്രസവത്തിന് പിന്നാലെ കുഞ്ഞ് മരിച്ചു; ചികിത്സാ പിഴവെന്ന് ആരോപണം
പാലക്കാട്: പാലക്കാട് പ്രസവത്തിന് പിന്നാലെ കുഞ്ഞ് മരിച്ചു. ഇന്ന് രാവിലെയായിരുന്നു സംഭവം നടന്നത്. വണ്ടി താവളം സ്വദേശി നാരായണൻ കുട്ടിയുടെ കുഞ്ഞാണ് മരിച്ചത്.
കുഞ്ഞു മരിച്ചത് ചികിത്സാ പിഴവെന്ന് ആണ് പിതാവിന്റെ ആരോപണം. ചിറ്റൂർ താലൂക്ക് ആശുപത്രിയിക്ക് എതിരെയാണ് പരാതി ഉയർന്നിരിക്കുന്നത്.
ഇന്ന് ആശുപത്രിയിൽ സിസേറിയൻ ചെയ്യുന്നതിനുള്ള തിയതി നൽകിയിരുന്നു. എന്നാൽ ഇന്നലെ രാത്രി ഭാര്യയ്ക്ക് പ്രസവ വേദന വന്നതിനെ തുടർന്ന് ആശുപത്രിയിൽ എത്തിക്കുകയായിരുന്നുവെന്ന് നാരായണൻ കുട്ടി പറയുന്നു.
ഇന്ന് രാവിലെ യുവതിയുടെ നില വഷളാകുകയായിരുന്നു. ഭാര്യയെ വേണ്ട രീതിയിൽ ഡോക്ടർമാർ പരിചരിച്ചില്ലെന്നും ആരോപണം ഉണ്ട്. കുഞ്ഞിന്റെ കാൽ ആദ്യം പുറത്ത് വരുന്ന നിലയിലായിരുന്നെന്നും അദ്ദേഹം പറഞ്ഞു.
പ്രസവത്തിനു ശേഷം മറ്റൊരു സ്വകാര്യ ആശുപത്രിയിലേക്ക് മാറ്റിയെങ്കിലും കുഞ്ഞിന്റെ ജീവൻ രക്ഷിക്കാനായില്ല. അതേസമയം, ആശുപത്രിക്ക് വീഴ്ച പറ്റിയിട്ടില്ലെന്ന് ആശുപത്രി അധികൃതർ വ്യക്തമാക്കി.
