കൊച്ചി: റാപ്പർ വേടന് വിദേശ സംഗീതപരിപാടികളിൽ പങ്കെടുക്കുന്നതിനായി ഹൈക്കോടതി അനുമതി നൽകി. ജാമ്യവ്യവസ്ഥയിൽ ഇളവ് ആവശ്യപ്പെട്ട് വേടൻ സമർപ്പിച്ച ഹർജിയിലാണ് കോടതി അനുകൂല തീരുമാനം നൽകിയത്.
തൃക്കാക്കര പൊലീസ് രജിസ്റ്റർ ചെയ്ത ലൈംഗികാതിക്രമകേസിൽ സെഷൻസ് കോടതി മുൻകൂർ ജാമ്യം അനുവദിക്കുമ്പോൾ വേടനു മേൽ കർശന നിബന്ധനകളാണ് വിധിച്ചിരുന്നത് സംസ്ഥാനം വിട്ട് പോകാൻ പാടില്ല, എല്ലാ ആഴ്ചയും അന്വേഷണ സംഘത്തിനു മുമ്പാകെ ഹാജരാകണം തുടങ്ങിയവ. ഈ വ്യവസ്ഥകളാണ് വേടൻ ഹൈക്കോടതിയിൽ ചോദ്യം ചെയ്തത്.
ദുബായ് മുതൽ ജർമനി വരെ – വേടന്റെ സംഗീത ടൂർ ഷെഡ്യൂൾ സമർപ്പിച്ച് കോടതി മനസ്സിലാക്കി
വേടൻ കോടതിയെ അറിയിച്ചു നവംബർ 11ന് ദുബായ്, നവംബർ 28ന് ഖത്തർ, ഡിസംബർ 13ന് ഫ്രാൻസ്, ഡിസംബർ 20ന് ജർമനി എന്നിവിടങ്ങളിലായി തന്റെ സംഗീത പരിപാടികൾ നിശ്ചയിച്ചിട്ടുണ്ടെന്നും, വിദേശയാത്രാ നിരോധനം തന്റെ കലാജീവിതത്തെയും വരുമാനമാർഗത്തെയും ഗുരുതരമായി ബാധിക്കുകയാണെന്നും.
ഒരു കലാകാരനെന്ന നിലയിൽ തൊഴിൽ ചെയ്യുന്ന അവകാശം നിഷേധിക്കപ്പെടുന്നുവെന്നായിരുന്നു വേടന്റെ വാദം.
വാദം പരിഗണിച്ച കോടതി, ജാമ്യവ്യവസ്ഥയിൽ ഇളവുകൾ നൽകി വേടന് വിദേശയാത്രയ്ക്ക് അനുമതി നല്കി.
ഇളവ് അനുവദിച്ചാലും കേസന്വേഷണത്തെ ബാധിക്കില്ലെന്ന വേടന്റെ വാദം കോടതി പ്രത്യേകം പരാമർശിച്ചു. എന്നാൽ ആവശ്യമായ യാത്രാവിവരങ്ങളും മടക്ക തീയതികളും അന്വേഷണ സംഘത്തെ അറിയിക്കണം എന്ന വ്യവസ്ഥയോടെ തന്നെയാണ് ഇളവ്.
മുന്പും സമാനമായ സാഹചര്യത്തിൽ, ഗവേഷക വിദ്യാർത്ഥിനിയുടെ പരാതിയിൽ എറണാകുളം സെൻട്രൽ പൊലീസ് രജിസ്റ്റർ ചെയ്ത കേസിലെ ജാമ്യനിബന്ധനയിൽ ഹൈക്കോടതി ഇളവ് അനുവദിച്ചിരുന്നു.
സെഷൻസ് കോടതി നിരസിച്ചതിനെ തുടർന്ന് ഈ തവണയും വേടൻ ഹൈക്കോടതിയെ സമീപിക്കുകയായിരുന്നു.
അവാർഡുകൾ വാരിക്കൂട്ടി ‘മഞ്ഞുമ്മൽ ബോയ്സ്’; സംസ്ഥാന ചലച്ചിത്ര അവാർഡിൽ പത്ത് പുരസ്കാരങ്ങൾ
രണ്ട് ലൈംഗികാതിക്രമ കേസുകൾ നേരിടുന്ന വേടൻ – ആരോപണങ്ങളുടെ പശ്ചാത്തലം
വേടനെതിരെ ഇപ്പോൾ രണ്ട് ലൈംഗികാതിക്രമ കേസുകളാണ് രജിസ്റ്റർ ചെയ്യപ്പെട്ടിരിക്കുന്നത്.
വിവാഹ വാഗ്ദാനം നൽകി പീഡിപ്പിച്ചു എന്ന യുവഡോക്ടറുടെ പരാതിയിലാണ് തൃക്കാക്കര പൊലീസ് വേടനെതിരെ കേസ് റജിസ്റ്റർ ചെയ്തിട്ടുള്ളത്.
ദലിത് സംഗീതത്തെക്കുറിച്ചുള്ള പഠനവുമായി ബന്ധപ്പെട്ട് വേടനെ സമീപിച്ചപ്പോൾ തന്നോട് ലൈംഗികാതിക്രമം കാണിച്ചെന്ന ഗവേഷക വിദ്യാർഥിനിയുടെ പരാതിയിൽ സെൻട്രൽ പൊലീസ് എടുത്തതാണ് മറ്റൊരു കേസ്
അന്വേഷണത്തെ ബാധിക്കില്ല: വ്യവസ്ഥകൾ പാലിച്ചാൽ യാത്രക്ക് തടസമില്ല
ഹൈക്കോടതിയുടെ പുതിയ തീരുമാനം വേടന്റെ വിദേശ സ്റ്റേജ് ഷോകൾക്ക് വഴിവെച്ചിരിക്കുമ്പോഴും, കേസുകൾ നിലനിൽക്കുന്ന സാഹചര്യത്തിൽ തുടർ നിയമനടപടികൾക്ക് ഇതിന് എന്ത് സ്വാധീനം ഉണ്ടാകുമെന്ന് ശ്രദ്ധേയമാകുന്നു.
English Summary
The Kerala High Court has granted rapper Vedan (Hiran Das Murali) permission to travel abroad for music shows by relaxing his bail conditions.
