മിന്നല്പ്രളയം; തിരച്ചില് തുടരുന്നു; കാണാതായത് 9 സൈനികരടക്കം നൂറോളം പേരെ
ഡെറാഡൂണ്: ഉത്തരാഖണ്ഡിലെ ഹര്ഷില് ഇന്നലെമേഘവിസ്ഫോടനത്തെത്തുടര്ന്നുണ്ടായ മിന്നല്പ്രളയത്തില് കാണാതായവര്ക്കായി തിരച്ചില് തുടരുന്നു.
കൂടുതല് എസ്ഡിആര്എഫ്, എന്ഡിആര്എഫ് സംഘവും വ്യോമസേനയുടെ ഹെലികോപ്റ്ററും തിരച്ചിലിനായി ഇന്ന് എത്തും. കൂടുതല് സേനയും രക്ഷാപ്രവര്ത്തനത്തിനായി ധരായിലിലേക്കെത്തും. മണ്ണിനടിയില് കുടുങ്ങിയവരെ കണ്ടെത്താനുള്ള തീവ്രശ്രമത്തിലാണ് രക്ഷാപ്രവര്ത്തകര്.
ഉത്തരകാശിയിലെ മിന്നല് പ്രളയത്തിലും മണ്ണിടിച്ചിലിലുമായി നാലുപേര് മരിച്ചതായാണ് ഔദ്യോഗിക റിപ്പോര്ട്ടുകള് 9 സൈനികര് അടക്കം നൂറോളം പേരെ കാണാതായതായാണ് വിവരം.
മേഖലയില് പലയിടത്തും വീണ്ടും മണ്ണിടിച്ചില് ഉണ്ടാകുന്നതായും റിപ്പോര്ട്ടുകൾ പുറത്തു വരുന്നുണ്ട്. ഗംഗോത്രി തീര്ഥാടനപാതയിലെ പ്രധാന ഗ്രാമമായ ധരാലിയെ മേഘവിസ്ഫോടനവും തുടർന്നുണ്ടായ മണ്ണിടിച്ചിലും പൂര്ണമായും തകര്ത്തു. വിനോദസഞ്ചാരികളടക്കം ഒട്ടേറെപ്പേര് അവശിഷ്ടങ്ങള്ക്കിടയില് കുടുങ്ങിയിട്ടുണ്ട്.
ഉത്തരകാശിയിലെ ധരാലി ഗ്രാമത്തില് ഇന്നലെ ഉച്ചയ്ക്ക് 1.45-ഓടെയാണ് ആദ്യത്തെ വന് മേഘവിസ്ഫോടനമുണ്ടായത്. ഇതിനു പിന്നാലെയാണ് സുഖി ടോപ്പില് സൈനിക ക്യാംപിന് സമീപത്തായി വീണ്ടും മേഘവിസ്ഫോടനമുണ്ടാവുകയായിരുന്നു.
മണ്ണിടിച്ചിലില് ഹര്ഷീലിലുള്ള സൈനിക ക്യാംപ് തകര്ന്നാണ് 9 സൈനികരെ കാണാതായത്. വിനോദസഞ്ചാരികള് ധാരാളമെത്തുന്ന സ്ഥലത്തെ നിരവധി ഹോംസ്റ്റേകളും വീടുകളും ഹോട്ടലുകളും അടക്കം ഒഴുകിപ്പോയതായി റിപ്പോർട്ട് ഉണ്ട്. പ്രളയത്തില് പ്പെട്ട കെട്ടിടങ്ങളില് ആളുകള് കുടുങ്ങിക്കിടക്കുന്നുണ്ടോ എന്നറിയാന് തിരച്ചില് തുടരുകയാണ്.
English Summary :
Cloudburst in Harshil, Uttarakhand triggers flash floods; several missing. NDRF & SDRF intensify rescue operations amid heavy rain damage.
