വിമാനാപകടം: മൃതദേഹങ്ങൾ അയക്കുന്നതിൽ പിശക്
ലണ്ടൻ: എയര് ഇന്ത്യ വിമാന അപകടത്തില് പെട്ടവരുടെ മൃതദേഹങ്ങള് തിരിച്ചറിയുന്നത് അതീവ ദുഷ്കരമായ ദൗത്യമായിരുന്നു. ഇടിച്ചിറങ്ങിയ വിമാനം പൊട്ടിത്തെറിച്ച് കത്തിയമര്ന്നതാണ് ഈ ദൗത്യം ദുഷ്കരമാക്കി മാറ്റിയത്.
ഇതോടെ, മൃതദേഹങ്ങള് തിരിച്ചറിയാന് ഏറെ ബുദ്ധിമുട്ടായിരുന്നു. ബന്ധുക്കളില് നിന്നും ശേഖരിച്ച ഡിഎന്എ സാമ്പിളുകള് ഉപയോഗിച്ചാണ് മരിച്ചവരെ വേര്തിരിച്ച് പെട്ടികളാക്കി അയച്ചത്.
ഇപ്പോള് എയര് ഇന്ത്യ അപകടത്തില് വിധവയായി മാറിയ സ്ത്രീക്ക് തന്റെ ഭര്ത്താവിന്റെ മൃതദേഹം രണ്ട് പെട്ടികളാക്കി ലഭിച്ചതായാണ് വിവരം പുറത്തുവരുന്നത്.
വിധവയ്ക്ക് ആദ്യം ഒരു പെട്ടി ലഭിക്കുകയും, ഇത് സംസ്കരിച്ച ശേഷം ദുഃഖാര്ത്തരായി ഇരിക്കുമ്പോള് രണ്ടാമത്തെ പെട്ടി ലഭിക്കുകയായിരുന്നു.
ഈ ദൗത്യത്തില് നിരവധി പിഴവുകള് സംഭവിച്ചിട്ടുള്ളതായി നേരത്തെ വ്യക്തമായിരുന്നു. മൃതദേഹങ്ങള് യുകെയില് എത്തിച്ച ശേഷം കൊറോണര് പരിശോധിച്ചപ്പോഴാണ് പെട്ടി മാറിപ്പോയതായി പോലും പലരും അറിഞ്ഞത്.
ഇതോടെ സംസ്കാര കര്മ്മം രണ്ടാമതും ചെയ്യേണ്ടതായി വന്നു. ഇരകളുടെ ശരീരഭാഗങ്ങള് അയച്ചതില് വലിയ വീഴ്ചകള് സംഭവിച്ചെന്നാണ് അഭിഭാഷകന് ആരോപിക്കുന്നത്.
ബന്ധുക്കള് ആളുമാറി ശവപ്പെട്ടി അയച്ചതും, ബോഡി ബാഗില് രണ്ട് തലകള് വെച്ചതും ഉള്പ്പെടെയാണ് റിപ്പോര്ട്ട് ചെയ്യപ്പെട്ടിരിക്കുന്നത്.
എയര് ഇന്ത്യ വിമാനാപകടം നടന്നു ഒരു മാസത്തിലേറെ പിന്നിട്ട ശേഷമാണ് ബ്രിട്ടനിലുള്ള പല കുടുംബങ്ങള്ക്കും തങ്ങളുടെ പ്രിയപ്പെട്ടവരുടെ മൃതദേഹ ഭാഗങ്ങള് ലഭിച്ചത്.
എന്നാല് അപകടത്തില് കൊല്ലപ്പെട്ടവരുടെ മൃതദേഹങ്ങള് അയച്ചപ്പോള്, ബ്രിട്ടനിലുള്ള രണ്ടു കുടുംബങ്ങള്ക്ക് ആളുമാറി പെട്ടികള് ലഭിച്ചതു വിവാദമായിരുന്നു.
തന്റെ കുടുംബത്തില് പെട്ട ആളുടേതിന് പകരം മറ്റൊരു യാത്രക്കാരന്റെ മൃതദേഹ ഭാഗങ്ങള് അടങ്ങിയ പെട്ടിയാണ് വരുന്നതെന്ന് വിവരം ലഭിച്ചതോടെ ഒരു ഇരയുടെ ബന്ധു സംസ്കാര ചടങ്ങുകള് പോലും ഉപേക്ഷിച്ചിരിക്കുകയാണ്.
ലണ്ടനിലെ ഒരു റസ്റ്റോറൻ്റിൽ അതിക്രമിച്ചു കയറിയ മോഷ്ടാവ് 27 ലക്ഷത്തിൻ്റെ വൈൻ മോഷ്ടിച്ചു
ലണ്ടനിലെ ഒരു റസ്റ്റോറൻ്റിൽ അതിക്രമിച്ചു കയറിയ മോഷ്ടാവ് അതിന്റെ നിലവറയിൽ നിന്ന് 24,000 പൗണ്ട് (ഏകദേശം 27 ലക്ഷത്തിലധികം ഇന്ത്യൻ രൂപ) വിലമതിക്കുന്ന വീഞ്ഞ് മോഷ്ടിച്ചു കടത്തി. ചോദ്യം ചെയ്യലിൽ പ്രതി മൂന്നു മോഷണ കുറ്റങ്ങൾ സമ്മതിച്ചു.
ജൂൺ 6-ന് പുറത്തിറക്കിയ സിസിടിവി ദൃശ്യങ്ങളിൽ, 61-കാരനായ യൂലിയു കുബോള എന്നയാൾ ഒരു വീലി ബിൻ ഉപയോഗിച്ച് റസ്റ്റോറൻ്റിൽ നിന്ന് ഡസൻ കണക്കിന് കുപ്പികൾ പുറത്തുള്ള തൻ്റെ വാഹനത്തിലേക്ക് കൊണ്ടുപോകുന്നത് ദൃശ്യങ്ങളിലുണ്ട്.
ജൂൺ 15 ന് അയാൾ റസ്റ്റോറൻ്റിൽ തിരിച്ചെത്തി മൂന്ന് കുപ്പികൾ കൂടി മോഷ്ടിച്ചു, ജൂൺ 19 ന് അവസാന സന്ദർശനത്തിന് മുമ്പ് ഒന്നും എടുത്തില്ല. മൂന്ന് ദിവസത്തിന് ശേഷം അയാൾ അറസ്റ്റിലായി.
പ്രതിയെക്കുറിച്ച് രഹസ്യ വിവരം ലഭിച്ചതോടെ ഒരു ഒരു ഉദ്യോഗസ്ഥൻ യാദ്യശ്ചികമായി കുബോളയെ കണ്ടപ്പോൾ തിരിച്ചറിയുകയായിരുന്നു.
തുടർന്ന് പ്രതിയെ കസ്റ്റഡിയിലെടുത്തു. സെപ്റ്റംബറിൽ അദ്ദേഹത്തിന് ശിക്ഷ വിധിക്കുമെന്ന് ലണ്ടൻ പോലീസ് പറഞ്ഞു.
യുകെയിൽ ഇന്ഷുറന്സ് തുക കൈക്കലാക്കാന് ആരോഗ്യമുള്ള സ്വന്തം കാലുകൾ മുറിച്ചുമാറ്റി ഡോക്ടർ
ലണ്ടൻ: യുകെയിൽ ഇന്ഷുറന്സ് തുക കൈക്കലാക്കാന് സ്വന്തംകാലുകള് മുട്ടിന് താഴെവെച്ച് മുറിച്ചുമാറ്റി ഡോക്ടര്. പ്രമുഖ വാസ്കുലര് സര്ജനായ നീല് ഹോപ്പർ (49) ആണ് സ്വന്തം കാലുകൾ മുറിച്ചുമാറ്റിയത്.
അണുബാധയെ തുടര്ന്ന് കാലുകള് മുറിച്ചുമാറ്റേണ്ടിവന്നു എന്നായിരുന്നു നീലിന്റെ അവകാശവാദം. എന്നാല് ഇത് സത്യമല്ലെന്ന് കോടതി കണ്ടെത്തി.
ഏകദേശം 5,00,000 പൗണ്ടിന്റെ (5,83,06,750 കോടി) ഇൻഷുറൻസ് തുക കെെക്കലാക്കാൻ വേണ്ടിയാണ് ഇയാൾ ഇ സാഹസഖിക് കാട്ടിയത്. രണ്ട് വ്യത്യസ്ത കമ്പനികളില്നിന്ന് 235,622 പൗണ്ടിന്റെയും 231,031 പൗണ്ടിന്റെയും ഇന്ഷുറന്സായിരുന്നു നീലിനുണ്ടായിരുന്നത്.
ഇവ ലഭിക്കാന് വേണ്ടിയാണ് ഇന്ഷുറന്സ് കമ്പനികളെ തെറ്റായ കാരണം കാണിച്ച് ഡോക്ടര് കബളിപ്പിച്ചത്. 2019 ജൂണ് മൂന്നാം തീയതിയും 26-ാം തീയതിയുമായിരുന്നു ഇത്.
2013 മുതല് 2013 മുതൽ റോയൽ കോൺവാൾ ഹോസ്പിറ്റൽസ് എൻഎച്ച്എസ് ട്രസ്റ്റിലായിരുന്നു നീല് ജോലിചെയ്തിരുന്നത്. ഈ കാലയളവില് നൂറുകണക്കിന് ശസ്ക്രിയകൾ നീല് ചെയ്തിട്ടുണ്ട്.
2023 മാര്ച്ചിൽ ഇയാൾ അറസ്റ്റിലായതിനു പിന്നാലെ നീലിന്റെ മെഡിക്കൽ പ്രാക്ടീസിനുള്ള അനുമതി റദ്ദാക്കി. ഇന്ഷുറന്സ് തട്ടിപ്പ് കേസില് അടുത്ത വാദം കേള്ക്കുന്ന അടുത്തമാസം 26 വരെ നീലിനെ റിമാന്ഡ് ചെയ്തിട്ടുണ്ട്.
ഡെവോണ് ആന്ഡ് കോണ്വാള് പൊലീസ് നടത്തിയ അന്വേഷണത്തിലാണ് നീലിന്റെ തട്ടിപ്പ് കണ്ടെത്തിയത്. ഏകദേശം രണ്ടരക്കൊല്ലം നീണ്ട അന്വേഷണത്തിലാണ് പൊലീസ് തട്ടിപ്പ് തെളിയിച്ചത്.
Summary:
In a tragic mishap involving Air India, a widow reportedly received her deceased husband’s body in two separate boxes. She initially received one box and conducted the funeral, only to be shocked when a second box arrived later. Previous reports had already indicated multiple errors in the handling of this incident.
