കൊച്ചി: കൊച്ചിയിലെ ബാറിൽ യുവതി മദ്യക്കുപ്പി പൊട്ടിച്ച് യുവാവിനെ കുത്തി. കതൃക്കടവ് തമ്മനം റോഡിലെ ഇടശേരി മാൻഷൻ ഹോട്ടലിന്റെ മില്ലേനിയൽ ബാറിലാണ് സംഭവം നടന്നത്.
ഉദയംപേരൂർ സ്വദേശിനിയായ ഇരുപത്തിയൊൻപതുകാരിയാണ് വാക്കുതർക്കത്തിനിടെ യുവാവിനെ അപായപ്പെടുത്താൻ ശ്രമിച്ചത്.
ഇവരെ പിന്നീട് പൊലീസ് കസ്റ്റഡിയിലെടുത്തു. ബാറിൽ വെച്ച് വാക്കുതർക്കത്തിനിടെയാണ് യുവതി അക്രമാസക്തയായത്.
ഹോട്ടലിലെ ഡിജെ പാർട്ടിക്കിടെയാണ് യുവതിയുടെ ആക്രമണമുണ്ടായത് എന്നാണ് വിവരം. ഈ സമയം സിനിമാതാരങ്ങളും പിന്നണിഗായകരും ഉൾപ്പെടെ സംഭവസ്ഥലത്തുണ്ടായിരുന്നു എന്നും ദൃക്സാക്ഷികൾ പറഞ്ഞു.
ഒരു വർഷം മുമ്പ് വെടിവെയ്പ്പ് നടന്ന അതേ ബാറാണ് മില്ലേനിയൽ. ഇന്നലെ രാത്രി പത്തരയോടെയാണ് ഇവിടെ യുവതി മദ്യക്കുപ്പി പൊട്ടിച്ച് യുവാവിനെ കുത്തിയത്.
ബാറിന്റെ കൗണ്ടറിൽ വെച്ചുണ്ടായ വാക്കു തർക്കം സംഘർഷത്തിലെത്തുകയായിരുന്നു എന്നാണ് റിപ്പോർട്ട്.
തന്നോട് തർക്കിച്ച യുവാവിനെ യുവതി മദ്യക്കുപ്പി പൊട്ടിച്ച് കുത്തുകയായിരുന്നു എന്നാണ് പൊലീസ് പറയുന്നത്.
ഉദയംപേരൂർ സ്വദേശിനിയായ ഇരുപത്തിയൊൻപതുകാരിയെ നോർത്ത് പൊലീസ് കസ്റ്റഡിയിലെടുത്തു ചോദ്യം ചെയ്യുന്നുണ്ട്.
ബാർ ഹോട്ടലിൽ സംഘർഷമുണ്ടായ വിവരമറിഞ്ഞു നാട്ടുകാർ തടിച്ചുകൂടി. സംഭവത്തെ തുടർന്നു കതൃക്കടവ് –തമ്മനം റോഡിൽ വലിയ ഗതാഗത തടസ്സമുണ്ടായി.
സംഭവം നടക്കുമ്പോൾ ചില സിനിമാ താരങ്ങളും പിന്നണി ഗായകരും ഉൾപ്പെടെ ഇവിടെ ഉണ്ടായിരുന്നു എന്നാണ് വിവരം. നോർത്ത് സ്റ്റേഷനിൽനിന്നും കൺട്രോൾ റൂമിൽനിന്നും വൻ പൊലീസ് സംഘം സ്ഥലത്തെത്തിയാണു തടിച്ചുകൂടിയവരെ ഇവിടെ നിന്നും നീക്കിയത്.
English Summary :
A woman attacked a man by breaking a liquor bottle and stabbing him at a bar in Kochi. The incident took place at the Millennial Bar of Idassery Mansion Hotel on Kathrikadavu-Thammanam Road.
