തിരുവനന്തപുരം: പഹൽഗാമിൽ നടന്നത് പൈശാചികമായ ആക്രമണമാണെമെന്ന് പാളയം ഇമാം വി പി സുഹൈബ് മൗലവി. അന്യായമായി ഒരാൾ മരിച്ചാൽ ഭൂമിയിലെ എല്ലാവരും ഒരുപോലെ മരിച്ചത് പോലെയാണ് ഭീകരാക്രമണത്തെ ബലിപെരുന്നാൾ ദിവസം അപലപിക്കുന്നുവെന്നും എന്ന് സുഹൈബ് മൗലവി വ്യക്തമാക്കി. പഹൽഗാമിൽ നടന്നത് മനുഷ്യത്വരഹിതമാണെന്നും പറഞ്ഞു.
പഹൽഗാം ഭീകരാക്രമണം മനുഷ്യ മനസ്സാക്ഷിയെ തന്നെ ഞെട്ടിക്കുന്നതാണ്. മരണപ്പെട്ടവരുടെ കുടുംബാംഗങ്ങൾക്ക് ദുഃഖത്തോടൊപ്പം ചേരുന്നുവെന്നും വി പി സുഹൈബ് മൗലവി പറഞ്ഞു.
ഭൂമിയിലെ എല്ലാ മനുഷ്യരെയും കൊന്നത് പോലെയുള്ള ക്രൂരതയാണ് കശ്മീരിലെ പഹൽഗാമിൽ നടന്നത്. ഭീകരാക്രമണം കൊണ്ട് മതപരമായി ആരെയും ഭിന്നിപ്പിക്കാൻ കഴിയില്ലെന്ന് പാളയം ഇമാം പറഞ്ഞു.
ഐക്യത്തോടെ മുന്നോട്ട് പോവുക എന്നതാണ് മതംകൊണ്ടർഥമാക്കുന്നത്. പഹൽഗാമിൽ നടന്നത് പൈശാചികമായ ആക്രമണമാണ് വി പി സുഹൈബ് മൗലവി പറഞ്ഞു. അന്യായമായി ആരെയെങ്കിലും വധിച്ചാൽ ഭൂമിയിലെ മുഴുവൻ പേരെയും വധിച്ചതിന് തുല്യമാണ്.
ഇതാണ് ഇസ്ലാമിന്റെ നിലപാടെന്ന് വി പി സുഹൈബ് മൗലവി പറഞ്ഞു. പഹൽഗാം ആക്രമണം രാഷ്ട്രീയവൽക്കരിക്കാനുള്ള ശ്രമങ്ങളെ ജാഗ്രതയോടെ കാണണമെന്നും സുഹൈബ് മൗലവി പറഞ്ഞു.
