ന്യൂഡല്ഹി: ഐസിഎസ്ഇ (10-ാം ക്ലാസ്), ഐഎസ് സി (12-ാം ക്ലാസ്) പരീക്ഷാ ഫലങ്ങൾ പ്രസിദ്ധീകരിച്ചു. 99.02 ശതമാനമാണ് 12-ാം ക്ലാസ് വിജയശതമാനം. പത്താംക്ലാസില് 99.09 ശതമാനം വിദ്യാര്ഥികളും വിജയിച്ചതായും അധികൃതര് അറിയിച്ചു.
12-ാം ക്ലാസ് ബോര്ഡ് പരീക്ഷയില് 99,551 വിദ്യാര്ഥികളാണ് പരീക്ഷ എഴുതിയത്. ഇതില് 98,578 വിദ്യാര്ഥികളും വിജയിച്ചതായി കൗണ്സില് ഫോര് ദി ഇന്ത്യന് സ്കൂള് സര്ട്ടിഫിക്കറ്റ് എക്സാമിനേഷന്സ് വ്യക്തമാക്കി.
12-ാം ക്ലാസ് പരീക്ഷയില് 98.84 ശതമാനമാണ് ആണ്കുട്ടികളുടെ വിജയശതമാനം. പെണ്കുട്ടികളുടേത് 99.45 ശതമാനവുമാണ്. പത്താംക്ലാസ് പരീക്ഷ ഫെബ്രുവരി 18 മുതല് 27 വരെയും 12-ാം ക്ലാസ് പരീക്ഷ ഫെബ്രുവരി 13 മുതല് ഏപ്രില് അഞ്ചുവരെയുമാണ് നടത്തിയിരുന്നത്.
cisce.org, results.cisce.org. എന്ന വെബ്സൈറ്റുകള് വഴി ഫലം അറിയാം. ഡിജിലോക്കര് പോര്ട്ടല് വഴിയും ഫലം അറിയാനുള്ള സൗകര്യം ഒരുക്കിയിട്ടുണ്ട്.
