ആലപ്പുഴ: സന്തോഷ് വർക്കിയെന്ന ആറാട്ടണ്ണനെതിരെ പരാതി നൽകി നടി ഉഷ ഹസീന. സോഷ്യൽ മീഡിയയിൽ സിനിമ നടിമാർക്കെതിരായ പരാമർശത്തിലാണ് ഉഷ ഹസീന പരാതി നൽകിയത്.
ആലപ്പുഴ ഡിവൈഎസ്പിക്ക് ആണ് നടി പരാതി നൽകിയത്. സന്തോഷ് വർക്കിയുടെ നിരന്തരമുള്ള പരാമർശങ്ങൾ സ്ത്രീത്വത്തെ അപമാനിക്കുന്നതാണെന്നും തന്നെ വ്യക്തിപരമായി വേദനിപ്പിച്ചുവെന്നും ഉഷ ഹസീന പരാതിയിൽ പറയുന്നു.
ഷൈന്‍ ടോം ചാക്കോക്കെതിരെ ആരോപണവുമായി പുതുമുഖനടി രംഗത്ത്
കൊച്ചി: നടന്‍ ഷൈന്‍ ടോം ചാക്കോക്കെതിരായ വീണ്ടും ആരോപണവുമായി നടി രംഗത്ത്. സൂത്രവാക്യം സിനിമയില്‍ അഭിനയിച്ച നടിയാണ് ഷൈനിനെതിരെ പരാതിയുമായിയെത്തിയത്.
സിനിമാ സെറ്റില്‍ വച്ച് ഷൈനില്‍ നിന്ന് തന്നോടും മോശമായ പെരുമാറ്റമുണ്ടായെന്നാണ് പുതുമുഖ നടിയുടെ വെളിപ്പെടുത്തല്‍. ഷൈനെതിരെ ആദ്യം പരാതി ഉന്നയിക്കുമ്പോള്‍ തന്നെ വിന്‍സി അലോഷ്യസ് തനിക്ക് മാത്രമല്ല മറ്റൊരു നടിയ്ക്കും മോശം അനുഭവമുണ്ടായെന്ന് വ്യക്തമാക്കിയിരുന്നു.
ഇക്കാര്യങ്ങള്‍ അമ്മ സംഘടനയോടും ഫിലിം ചേംബറിന് മുന്നിലും അറിയിച്ചിട്ടുണ്ടെന്ന് നടി പറഞ്ഞു. ഷൈന്‍ സെറ്റില്‍ വച്ച് ലഹരി ഉപയോഗിച്ചുവെന്ന് സംശയമുണ്ടെന്നും ഷൈന്റെ വായില്‍ നിന്ന് ലഹരിയെന്ന് തോന്നിക്കുന്ന പൊടി തെറിക്കുന്നുണ്ടായിരുന്നുവെന്നുമാണ് പുതുമുഖ നടിയുടെ പറയുന്നത്.
