ഉയർന്ന കൊളസ്ട്രോൾ ഉള്ളവരോട് ആരോഗ്യകരമായ ഭക്ഷണങ്ങൾ കഴിക്കാനും അനാരോഗ്യകരമായവ കുറയ്ക്കാനും ആരോഗ്യ വിദഗ്ധർ എപ്പോഴും നിർദേശിക്കാറുണ്ട്.
കഴിക്കുന്ന ഭക്ഷണങ്ങളിൽ ഒന്നു ശ്രദ്ധിച്ചാൽ കൊളസ്ട്രോൾ ഒരു പരിധിവരെ കുറയ്ക്കാൻ സാധിക്കുമെന്ന് പഠനങ്ങൾ തെളിയിച്ചിട്ടുണ്ട്. അത്തരത്തിൽകൊളസ്ട്രോൾ നിയന്ത്രിക്കുന്നതിനുള്ള പ്രകൃതിദത്തമായ ഒരു മാർഗമാണ് അവോക്കാഡോ.
കൊളസ്ട്രോൾ നിയന്ത്രണത്തിൽ നിർണായക പങ്ക് വഹിക്കാൻ കഴിയുന്ന പഴമാണ് അവക്കാഡോ. അവയിൽ ആരോഗ്യകരമായ കൊഴുപ്പുകളും നാരുകളും ധാരാളം അടങ്ങിയിട്ടുണ്ട്. ഇവ രണ്ടും എൽഡിഎൽ കൊളസ്ട്രോൾ കുറയ്ക്കാനും ഹൃദയാരോഗ്യത്തിനും സഹായിക്കും.
ഉയർന്ന കൊളസ്ട്രോൾ ഹൃദയ സംബന്ധമായ അസുഖങ്ങൾക്കുള്ള അപകടകരമായ ഘടകങ്ങളാണ്. കൊളസ്ട്രോളിന്റെ അളവ് നിലനിർത്താൻ സമീകൃതാഹാരത്തിലാണ് ശ്രദ്ധ കേന്ദ്രീകരിക്കേണ്ടത്.
പൂരിത കൊഴുപ്പുകളും ട്രാൻസ് ഫാറ്റുകളും കുറയ്ക്കുക, പതിവായി വ്യായാമം ചെയ്യുക, പുകവലി ഒഴിവാക്കുക, സ്ട്രെസ് നിയന്ത്രിക്കുക ഇവയൊക്കെ ഇതിനൊപ്പം ശ്രദ്ധിക്കേണ്ടതാണ്.
കൊളസ്ട്രോൾ നിയന്ത്രിക്കാൻ അവോക്കാഡോ പോലുള്ള ആരോഗ്യകരമായ പഴങ്ങൾ അടങ്ങിയ ഭക്ഷണക്രമം പിന്തുടരുന്നത് ഗുണം ചെയ്യും.
