17കാരിയെ പീഡിപ്പിച്ച് ഗർഭിണിയാക്കിയ കടലൂരിലെ സർക്കാർ സ്കൂൾ അധ്യാപകൻ അറസ്റ്റിൽ. ചെന്നൈയിലെ സ്വകാര്യ നഴ്സിംഗ് കോളേജിൽ ഒന്നാം വർഷ വിദ്യാർത്ഥിനിയായ 17കാരി ആൺകുഞ്ഞിന് ജന്മം നൽകിയ സംഭവത്തിലാണ് അധ്യാപകൻ പിടിയിലായത്. 50-year-old government school teacher arrested for raping 17-year-old girl
പ്രസവത്തിന് ശേഷം, കുട്ടി മാതാപിതാക്കളോട് സംഭവങ്ങൾ വെളിപ്പെടുത്തിയതോടെ പീഡനത്തിന്റെ വിവരം പുറത്തുവന്നു.കടലൂരിലെ സർക്കാർ ഹയർ സെക്കണ്ടറി സ്കൂളിൽ രസതന്ത്ര അധ്യാപകനായ ജി മലർസെൽവൻ കുട്ടിയെ നിരന്തരം പീഡിപ്പിച്ചുവെന്നാണ് കുട്ടിയുടെ വെളിപ്പെടുത്തൽ.
കെമിസ്ട്രി ലാബിൽ ആളില്ലാത്ത സമയങ്ങളിൽ ഈ പീഡനം നടന്നുവെന്ന് അവൾ പറഞ്ഞു. മാർച്ച് 18-ന് അധ്യാപകൻ അവസാനമായി പീഡിപ്പിച്ചതായും, ചെന്നൈയിലെ കോളേജിൽ ചേർന്നതിന് ശേഷം ഗർഭിണിയെന്നത് മനസ്സിലായതോടെ ഭയന്നുപോയതായും കുട്ടി പറഞ്ഞു. മാതാപിതാക്കളുടെ പരാതിയുടെ അടിസ്ഥാനത്തിൽ, പൊലീസ് കടലൂരിലെത്തി 50 കാരനായ അധ്യാപകനെ അറസ്റ്റു ചെയ്തു.
