കൊല്ലം: കൊല്ലം അഞ്ചാലുംമൂട്ടിൽ നിന്ന് കാണാതായ മൂന്നു പെണ്‍കുട്ടികളെയും കണ്ടെത്തി. പ്രായപൂര്‍ത്തിയാകാത്ത മൂവരെയും എറണാകുളത്ത് നിന്നാണ് കണ്ടെത്തിയത്.
13,14, 17 വയസുള്ള മൂന്ന് പെണ്‍കുട്ടികളെയാണ് കാണാനില്ലെന്ന് ബന്ധുക്കൾ പരാതി നൽകിയിരുന്നത്. തുടർന്ന് നടത്തിയ അന്വേഷണത്തിൽ ഇന്നലെ രാത്രി 11.30ഓടെ എറണാകുളത്ത് നിന്ന് കണ്ടെത്തുകയായിരുന്നു.
കാണാതായി ഏഴു മണിക്കൂറിനുശേഷമാണ് ഇവരെ കണ്ടെത്തിയത്. കൊച്ചിയിലെ ഒരു മാളിലാണ് കുട്ടികൾ ഉണ്ടായിരുന്നത്. വ്യാഴാഴ്ച വൈകിട്ട് നാലു മണിയോടെയാണ് പെണ്‍കുട്ടികളെ കാണാതായതെന്നാണ് ബന്ധുക്കള്‍ പൊലീസില്‍ പരാതി നല്‍കിയത്.
പരസ്പരം അറിയുന്ന മൂന്നുപേരും നാട്ടിൽ നിന്ന് പോയത്. കാണാതാകുന്നതിന് കുറച്ച് സമയം മുമ്പ് മൂന്നു പേരും ഒരു വീട്ടില്‍ ഒരുമിച്ചുണ്ടായിരുന്നു. തുടർന്ന് മറ്റു മുതിര്‍ന്നവര്‍ ഇല്ലാത്ത സമയത്താണ് ഇവരെ കാണാതായത്.
