ലണ്ടൻ: യുകെയ ഞെട്ടിച്ച് ചാര പൊലീസ് ഉദ്യോഗസ്ഥർക്കെതിരെയുള്ള ലൈംഗിക ആരോപണങ്ങൾ. കഴിഞ്ഞ മൂന്ന് പതിറ്റാണ്ടുകളായി ബ്രിട്ടനലെ നിരവധി സ്ത്രീകളെ രഹസ്യ പൊലീസ് ഉദ്യോഗസ്ഥർ വഞ്ചിച്ചുവെന്ന് ഗാർഡിയൻ റിപ്പോർട്ട് ചെയ്തു.
ഏകദേശം അഞ്ചിലൊന്ന് പൊലീസ് ചാരന്മാരും നിരീക്ഷണത്തിനായി അയച്ച സ്ത്രീകളുമായി അടുത്ത ബന്ധത്തിൽ ഏർപ്പെട്ടിടുകയും ചിലർക്ക് കുഞ്ഞുങ്ങളുണ്ടാകുകയും വരെ ചെയ്തെതെന്നാണ് റിപ്പോർട്ട്.
രഹസ്യ പോലീസ് ഉദ്യോഗസ്ഥരുമായി നിരവധി സ്ത്രീകൾ ദീർഘകാല അടുപ്പം സ്ഥാപിച്ചുവെന്നും ഈ പുരുഷന്മാർ തങ്ങളെയും അവരുടെ സാമൂഹിക ബന്ധങ്ങളെയും രഹസ്യമായി ചാരപ്പണി ചെയ്യുന്നുണ്ടെന്ന് അവർക്കറിയില്ലായിരുന്നുവെന്നും ഗാർഡിയൻ റിപ്പോർട്ടിൽ പറയുന്നു. ആറ് വർഷം വരെ ചില ബന്ധങ്ങൾ നീണ്ടുനിന്നു.
പൊലീസുകാരാണെന്നറിയാതെയാണ് സ്ത്രീകൾ അവരുടെ സ്വകാര്യ ജീവിതം ഉദ്യോഗസ്ഥരുമായി പങ്കിട്ടത്. വഞ്ചനയ്ക്ക് ഇരയായ 50-ലധികം സ്ത്രീകളെ തിരിച്ചറിഞ്ഞതായാണ് വിവരം. എന്നാൽ യഥാർത്ഥ എണ്ണം ഇതിലും കൂടുതലായിരിക്കുമെന്നാണ് റിപ്പോർട്ട്. ഉദ്യോഗസ്ഥരുടെ യഥാർത്ഥ ഐഡന്റിറ്റി കണ്ടെത്തിയത് സ്ത്രീകളെ കടുത്ത മാനസികാഘാതത്തിലാക്കിയെന്നും റിപ്പോർട്ടിൽ പറയുന്നു.
ദി ഗാർഡിയനുമായി സഹകരിച്ച് നിർമ്മിച്ച ഒരു പുതിയ ഐടിവി പരമ്പര ‘സ്പൈ പൊലീസ്’ വലിയ അഴിമതി പുറത്തുകൊണ്ടുവന്നതായി യു.കെയിലെ സാമൂഹിക പ്രവർത്തകർ പറഞ്ഞു.
ജീവിതത്തിൽ നിന്ന് പെട്ടെന്ന് അപ്രത്യക്ഷരായ മുൻ പങ്കാളികളെക്കുറിച്ചുള്ള സത്യം കണ്ടെത്താനുള്ള അന്വേഷണമാരംഭിച്ച അഞ്ച് സ്ത്രീകളുടെ കഥകളുടെ പിന്നാമ്പുറം തേടിയപ്പോഴാണ് ഞെട്ടിക്കുന്ന സംഭവം പുറത്തുവന്നത്.
ആർക്കൈവുകൾ പരിശോധിച്ചും വിദേശ യാത്രകളിലൂടെയും ഈ സ്ത്രീകൾക്ക് രഹസ്യപൊലീസിന്റെ മുഖംമൂടികൾ തുറന്നുകാട്ടാനും അവരുടെ യഥാർത്ഥ വ്യക്തിത്വം വെളിപ്പെടുത്താനും ഇതിലൂടെ കഴിഞ്ഞു.
