മാസം 1,000 രൂപ ധനസഹായം ലഭിക്കുന്ന സ്ത്രീ സുരക്ഷാ പദ്ധതി: അക്ഷയ സര്വീസ് ചാര്ജ് 40 രൂപ; സര്ക്കാര് സര്ക്കുലര്
തിരുവനന്തപുരം: സ്ത്രീസുരക്ഷാ പദ്ധതിയുമായി ബന്ധപ്പെട്ട രജിസ്ട്രേഷനും അനുബന്ധ സേവനങ്ങളും നൽകുന്നതിനായി അക്ഷയ കേന്ദ്രങ്ങൾ ഈടാക്കാവുന്ന സർവീസ് ചാർജ് സർക്കാർ നിശ്ചയിച്ചു.
ഓരോ അപേക്ഷയ്ക്കും 40 രൂപയാണ് സർവീസ് ചാർജായി ഈടാക്കാൻ അനുവദിച്ചിരിക്കുന്നത്.
രേഖകളുടെ സ്കാനിങ്, പ്രിന്റ് തുടങ്ങിയ സേവനങ്ങൾക്ക് നിലവിലുള്ള സർക്കാർ ഉത്തരവ് പ്രകാരമുള്ള ഫീസ് ഈടാക്കാമെന്നും പുറത്തിറക്കിയ സർക്കുലറിൽ വ്യക്തമാക്കുന്നു.
സംസ്ഥാനത്തെ മറ്റ് സാമൂഹ്യക്ഷേമ പദ്ധതികളിലോ പെൻഷനുകളിലോ ഉൾപ്പെടാത്ത അർഹരായ സ്ത്രീകൾക്ക് മാസം 1,000 രൂപ ധനസഹായം നൽകുന്നതാണ് സ്ത്രീസുരക്ഷാ പദ്ധതി.
ksmart.lsgkerala.gov.in എന്ന വെബ്സൈറ്റ് മുഖേന തദ്ദേശസ്വയംഭരണ സ്ഥാപനങ്ങളിലെ സെക്രട്ടറിമാർക്കാണ് അപേക്ഷകൾ സമർപ്പിക്കേണ്ടത്.
കേരളത്തിൽ സ്ഥിരതാമസക്കാരായ 35 മുതൽ 60 വയസ് വരെ പ്രായമുള്ള സ്ത്രീകൾക്കും ട്രാൻസ് വുമൺ വിഭാഗത്തിൽപ്പെടുന്നവർക്കുമാണ് പദ്ധതിയുടെ ആനുകൂല്യം ലഭിക്കുക.
അന്ത്യോദയ അന്നയോജന (മഞ്ഞ കാർഡ്), മുൻഗണനാ വിഭാഗം (പിങ്ക് കാർഡ്) റേഷൻ കാർഡ് ഉള്ളവർക്കാണ് അപേക്ഷിക്കാനുള്ള അർഹത.
English Summary:
The Kerala government has fixed a service charge of ₹40 at Akshaya Centres for registration and related services under the women’s safety scheme. Eligible women aged 35–60 and trans women who are not beneficiaries of other welfare schemes can apply online for a monthly assistance of ₹1,000 through local self-government institutions.
women-safety-scheme-akshaya-service-charge-kerala
Women safety scheme, Akshaya Centres, Kerala government, Social welfare, Women assistance, Trans women, LSG Kerala
